خیبرپختونخوااسمبلی اجلاس ، احتساب کمیشن ترمیمی بل سلیکٹ کمیٹی کے حوالے کردیا
تازہ ترین : 1
خیبرپختونخوااسمبلی اجلاس ، احتساب کمیشن ترمیمی بل سلیکٹ کمیٹی کے حوالے ..

خیبرپختونخوااسمبلی اجلاس ، احتساب کمیشن ترمیمی بل سلیکٹ کمیٹی کے حوالے کردیا

جماعت اسلامی نے بینک آف خیبرکی نجکاری کی صورت میں حکومت سے علیحدگی کی دھمکی دیدی جماعت اسلامی کی حکومت میں ہوتے ہوئے کوئی بھی بینک آف خیبرکوفروخت نہیں کرسکتااگرکسی نے بینک کو فروخت کرنے کی کوشش کی توجماعت اسلامی اسی دن حکومت سے علیحدہ ہوجائیگی،سینئروزیرعنایت اﷲ خان

پشاور(اُردو پوائنٹ اخبارتازہ ترین۔20 مئی۔2016ء)خیبرپختونخوااسمبلی نے احتساب کمیشن ترمیمی بل سلیکٹ کمیٹی کے حوالے کردیا گیا جبکہ جماعت اسلامی نے بینک آف خیبرکی نجکاری کی صورت میں حکومت سے علیحدگی کی دھمکی دیدی۔خیبرپختونخوا اسمبلی کا اجلاس ڈپٹی اسپیکر مہرتاج روغانی کی زیر صدارت منعقد ہوا ،اجلاس میں احتساب کمیشن ترمیمی بل سلیکٹ کمیٹی کے حوالے کر دیا گیا ،سلیکٹ کمیٹی میں اپوزیشن جماعتوں کے پارلیمانی لیڈراورحکومتی نمائندے شامل ہیں،سلیکٹ کمیٹی ترامیم کا جائزہ لے گی،اسمبلی کے اجلاس میں جب اے این پی کے پارلیمانی لیڈرسرداربابک نے مختلف ایشو پر حکومت کوس آڑے ہاتھوں لیا تو حکومتی اراکین آگ بگولہ ہوگئے سرداربابک نے کہاکہ بلدیاتی نظام کی کامیابی کے نعرے لگانیوالے خودعوامی نمائندوں کے 75فیصدفنڈکاٹ رہے ہیں سونامی ٹری منصوبہ میں کروڑوں روپے کی کرپشن کی گئی چیف سیکرٹری اور اینٹی کرپشن کے ڈی جی آپس میں دست وگریبان ہیں بینک آف خیبرکوان لوگوں کے ہاتھوں فروخت کیاجارہاہے جوبڑے بڑے جلسوں کاانعقاد کرکے عمران خان کیلئے سٹیج سجارہے ہیں جماعت اسلامی کو چپ کا روزہ توڑناہوگا جواب میں سینئرصوبائی وزیرعنایت اﷲ نے کہاکہ جماعت اسلامی کی حکومت میں ہوتے ہوئے کوئی بھی بینک آف خیبرکوفروخت نہیں کرسکتااگرکسی نے بینک کو فروخت کرنے کی کوشش کی توجماعت اسلامی اسی دن حکومت سے علیحدہ ہوجائیگی۔

انہوں نے کہاکہ حکومت کو مرکزکی جانب سے محاصل میں کمی کے بعدشارٹ فال کاسامناہے وفاق نے 54ارب روپے دینے کا وعدہ کیاتھاتاہم اب دوبارہ وعدہ کیا ہے کہ بجٹ سے قبل 25ارب روپے جاری کردئیے جائینگے صوبائی وزیرتعلیم عاطف خان نے کہاکہ بینک آف خیبرکی کوئی نجکاری نہیں ہورہی ہے 90فیصدصوبائی بجٹ وفاق کے محاصل پر چلتاہے اس لئے وفاق کی جانب سے فنڈکے عدم اجراء کے باعث حکومت کو ترقیاتی کاموں میں مشکلات کاسامنا ہے پی ایم ایس افسران کے مسئلے کے حل کیلئے تگ ودوجاری ہے اور امیدکی جارہی ہے کہ پیر کے رو زتک یہ مسئلہ حل ہوجائے گاانہوں نے اے این پی کومخاطب کرتے ہوئے کہاکہ ہمارے دورمیں بدعنوانی کم ہوئی ہے لیکن سابق دورمیں ایزی لوڈ اورایس ایم ایس کے اصطلاح ایجادہوئے تھے بتایاجائے معصوم شاہ نے نیب کوکس کھاتے میں ساڑھے25کروڑاداکئے صوبائی اسمبلی کے اجلاس میں احتساب کمیشن کے حوالے سے ترمیمی بل بھی ایوان میں پیش کیاگیاجس کے تحت جاری ترقیاتی سکیموں ،پانچ کروڑسے کم غبن اور دیگرکئی امور میں احتساب کمیشن مداخلت نہیں کرسکتا۔

اپوزیشن کے اعتراضات کے بعد بل کو سلیکٹ کمیٹی کے حوالے کردیاگیا۔ملاکنڈڈویژن میں محکمہ ایریگیشن میں درجہ چہارم کے ملازمین کی بھرتی کے حوالے سے پیپلزپارٹی کے محمدعلی شاہ باچہ کاسوال قائمہ کمیٹی کے حوالے کیاگیا۔،صوبائی وزیر انیسہ زیب طاہر خیلی کا کہنا تھا کہ بنک آف خیبرکے معاملے پر کمیٹی نے اپنی شفارشات دی ہے اور ذمہ داروں کا تعین ہوگیا ہے،حکومت مناسب کاروائی کرے گی ۔بعدازا خیبرپختونخوا اسمبلی کا اجلاس پیر تک ملتوی کر دیا گیا

وقت اشاعت : 20/05/2016 - 20:37:09

اپنی رائے کا اظہار کریں