وفاقی و صوبائی حکومت عوام کوآپس میں لڑوانے کی پالیسی ترک کریں،اسفندیارولی خان
تازہ ترین : 1

وفاقی و صوبائی حکومت عوام کوآپس میں لڑوانے کی پالیسی ترک کریں،اسفندیارولی خان

عوام کی مشکلات میں کمی کی بجائے اضافہ کرنیوالوں کے اصل چہرے بے نقاب ہو رہے ہیں،بیان

پشاور(اُردو پوائنٹ اخبارتازہ ترین۔06 مئی۔2016ء)عوامی نیشنل پارٹی کے سربراہ اسفند یار ولی خان نے وفاقی و صوبائی حکومتوں کو خبردار کرتے ہوئے کہا ہے کہ عوام کو آپس میں لڑوانے کی پالیسی ترک کی جائے ۔ وفاقی اور صوبائی حکومت نے پہلے مالا کنڈ میں غیر آئینی و غیر قانونی کسٹم ایکٹ نافذ کیا اب فیڈرز سے بجلی کی تقسیم پر عوام کو دوبارہ باہم دست و گریبان کر دیا گیا ہے۔

باچاخان مرکزسے جاری ایک بیان میں انہوں نے کہاکہ عوام کو لوڈشیڈنگ سے نجات دلانے والے علاقے میں موجود بجلی فراہم کرنے سے قاصر ہیں اور صوبے کے خالص پن بجلی منافع کی اصل قسط بھی صوبائی حکومت حاصل نہیں کر سکی۔عوام کی مشکلات میں کمی کی بجائے اضافہ کرنے والوں کے اصل چہرے بے نقاب ہو رہے ہیں۔اسفند یار ولی خان نے دیر اور سوات کی عوام سے اپیل کی ہے کہ عوام دشمن حکومتوں کے مذموم عزائم کو ناکام بنا کر بھائی چارہ کا مظاہر ہ کر تے ہوئے مسائل کا حل اتحاد کے ذریعے نکالیں۔

انہوں نے کہا کہ عوامی نیشنل پارٹی عوام کی پشت پر ہے اور مطالبات کی منظوری کیلئے ہر سطح پر نا صرف عوامی آواز اٹھائی جائیگی بلکہ مسائل کے حل کیلئے عوام کے ساتھ کھڑے اسفند یار ولی خان نے مزید کہا ہے کہ اپنے بنیادی آئینی حقوق حاصل کرنے کیلئے عوامی اتحاد و یکجہتی لازمی ہے۔عوامی اتحاد کی مضبوطی سے سرکاری و سیاسی عزائم ناکام بنائے جا سکتے ہیں۔

مزید متعلقہ خبریں پڑھئیے‎ :

وقت اشاعت : 06/05/2016 - 22:08:12

متعلقہ عنوان :

اپنی رائے کا اظہار کریں