وفاقی حکومت نے چلڈرن ہسپتال پشاور کے فنڈز اسلامآبادمیٹروکومنتقل کردئیے،شہرام ترکئی
معاملہ وفاقی سطح پر ہر فورم پر اٹھائینگے، صوبے کے حقوق پر کوئی سمجھوتہ نہیں کیا جائے گا،،وزیرصحت خیبرپختونخوا
بدھ 27 اپریل 2016 20:40
پشاور(اُردو پوائنٹ اخبارتازہ ترین - این این آئی۔27 اپریل۔2016ء) خیبر پختونخوا کے سینئر وزیر برائے صحت شہرام خان تراکئی نے کہا ہے کہ وفاقی حکومت نے فیڈرل پی ایس ڈی پی سے پشاور میں بننے والے چلڈرن ہسپتال کے فنڈز اسلام آباد میٹرو پر لگا دئیے ہیں جسکی وجہ سے زیر تعمیر یہ منصوبہ التواء کا شکار ہے۔اگر یہ منصوبہ پنجاب کے کسی شہرمیں بنناہوتا تو کب کا مکمل ہو چکا ہوتا۔
صوبائی حکومت اس پر خاموش نہیں رہے گی اوریہ معاملہ وفاقی سطح پر ہر فورم پر اٹھایا جائے گا کیونکہ یہ صوبے کے بچوں کے مستقبل اوریہاں کے عوام کے حقوق کا معاملہ ہے۔خیبر پختونخوا بھی اس ملک کا حصہ ہے وفاقی حکومت کو چاہیے کہ وہ وفاق کی تمام اکائیوں کوبرابر ی کی نظر سے دیکھے اور ان کو ان کاپورا پورا آئینی حق دے۔(جاری ہے)
وہ بدھ کے روز پشاور میں خیبر انسٹی یوٹ آف چائلڈہیلتھ کے زیر اہتمام حفاظتی ٹیکوں کے عالمی ہفتے کی مناسبت سے منعقدہ ا یک تقریب سے بحیثیت مہمان خصوصی خطاب کر رہے تھے۔
بچوں کو مختلف مہلک بیماریوں سے بچانے کے لئے حفاظتی ٹیکوں کے پروگرام کو مزید موثر اور مستحکم بنانے کی ضرورت پر زور دیتے ہوئے انہوں نے کہا کہ حفاظتی ٹیکوں کے پروگرام سے ہمارے بچوں کا مستقبل وابستہ ہے۔یہ پروگرام جتنا اچھا ہوگااتنا ہی ہمارے بچوں کا مستقبل محفوظ ہوگا اسلئے اس پروگرام کو مزید موثر بنانے کے لئے صوبائی حکومت ہر قسم کے مالی وسائل مہیاکرے گی مگر یہ صرف تنہا حکومت کا کام نہیں۔اس پروگرام کے سو فیصداہداف کے حصول کے لئے محکمہ صحت،پاکستان پیڈیاٹرک ایسوسی ایشن،اس شعبے کے ماہرین، میڈیا، مقامی نمائندوں،بین الاقوامی اداروں اور دیگر تمام شراکت داروں کو ملکر ایک مربوط اور جامع حکمت عملی کے تحت کام کرنے کی ضرورت ہے۔وزیر صحت نے متعلقہ اداروں اور اس شعبے کے ماہرین پر زور دیا کہ وہ آپس میں مل بیٹھ کر اس پروگرام کو مزیدمستحکم بنانے کے لئے اپنی تجاویزحکومت کو پیش کریں اور یقین دلایا کہ صوبائی حکومت ان تجاویز پر عملدرآمد کو یقینی بنائے گی۔اس موقع پر انہوں نے انکشاف کیا کہ پولیو مہم کو معمول کے حفاظتی ٹیکوں کی مہم سے علیحدہ کیا جا رہا ہے اب پولیو مہم اور معمول کے حفاظتی ٹیکوں کی مہم کے لئے علیحدہ علیحدہ ٹیمیں اور عملہ مقرر کیا جائے گا تاکہ یہ دونوں مہمات ایک دوسرے کی وجہ سے متاثر نہ ہوں۔تقریب سے خطاب کرتے ہوئے ڈپٹی سپیکر خیبر پختونخوااسمبلی ڈاکٹر مہر تاج روغانی نے ذرائع ابلاغ کے نمائندوں پر زور دیاکہ وہ بچوں کو مختلف قسم کی مہلک بیماریوں سے محفوظ رکھنے کیلئے حفاظتی ٹیکوں کی اہمیت کے بارے میں عوامی شعور اور آگہی اجاگر کرنے میں اپنا اہم کردار ادا کریں۔ تقریب سے خیبر انسٹیٹیوٹ آف چائلڈ ہیلتھ کے ڈین ڈاکٹرگوہر رحمن،یونیسف کے مائیکل جوما،سکواش کے عالمی چیمپیئن قمرزمان،پروفیسر ڈاکٹر حمید اور دیگر نے بھی خطاب کرتے ہوئے حفاظتی ٹیکوں کی اہمت اور دیگر مختلف پہلوؤں پر تفصیلی روشنی ڈالی۔مختلف تعلیمی اداروں کے طلباء و طالبات،ڈاکٹر حضرات،منتخب بلدیاتی نمائندوں،یونیسیف اور عالمی ادارہ صحت کے نمائندوں اور صحافیوں کی ایک کثیر تعداد نے اس تقریب میں شرکت کی۔ قبل ازیں خیبر انسٹیٹیوٹ آف چائلڈ ہیلتھ کے ڈین ڈاکٹر گوہر رحمان نے شرکائے تقریب کو حفاظتی ٹیکوں کی اہمیت،صوبے میں اس کی کوریج کی موجودہ صورتحال اور دیگر متعلقہ ا مور کے بارے میں تفصیلی بریفنگ دی۔متعلقہ عنوان :
پشاور میں شائع ہونے والی مزید خبریں
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے ..
پشاور ، کاروباری خواتین کے لیے رجسٹریشن اور تربیتی ورکشاپ کا انعقاد کیا گیا
صاف پانی کی فراہمی,نکاسی آب اور ٹیوب ویلوں کی مرمت سمیت تمام مسائل کا حل ترجیح ہے،پختون یار خان
لیڈی ریڈنگ ہسپتال میں صحت کارڈ پر داخل مریض کیلئے باہر سے ادویات کی خریداری کے معاملے پر شعبہ گائنی کی ..
وزیر زراعت میجر )ر(سجاد برکوال کو زرعی شعبہ کی ترقی کے حوالے سے ہائیڈرو پانک سسٹم کے جدید منصوبے کے متعلق ..
خیبر پختونخوا کے وزیر تعمیرات شکیل احمد نے ارباب نیاز انٹرنیشنل کرکٹ سٹیڈیم کے تعمیراتی منصوبے کی تکمیل ..
پشاور ہائی کورٹ کا 14 دن کے اندر اسمبلی کا اجلاس طلب کرنے نو منتخب ممبران سے حلف لینے کا حکم
خیبر پختونخوا کے دریاؤں میں سیلابی صورت حال اور مزید بارشوں کی وجہ سے خطرات بڑھنے کے خدشہ
خیبرپختونخواہ اسمبلی مخصوص نشستوں پر حلف معاملہ،وزیراعلیٰ اور کابینہ کو اجلاس طلب کرنے کیلئے اقدامات ..
پشاور سے متعلقہ
پاکستان کی تازہ ترین خبریں
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف