پشاور پولیس کا سرچ آپریشن ‘ چالیس سے زائد افراد گرفتار ‘ منشیات اوراسلحہ بر آمد ..
تازہ ترین : 1

پشاور پولیس کا سرچ آپریشن ‘ چالیس سے زائد افراد گرفتار ‘ منشیات اوراسلحہ بر آمد

گرفتار افراد میں دو درجن سے زیادہ کو ابتدائی تفتیش کے بعد کلیئر کر دیا گیا

پشاور(اُردو پوائنٹ اخبارتازہ ترین۔26 مارچ۔2016ء)پشاور پولیس نے پھندو میں سرچ آپریشن کے دور ان40 سے زیادہ افراد حراست میں لے کر بھاری تعداد میں منشیات اور 2 پستول برآمد کرلئے گئے ہیں۔پولیس کے مطابق آپریشن تھانہ پھندو کے مختلف علاقوں میں کیا گیا جس میں 42 مشکوک افراد ایک افغان باشندہ اور اسمگلر کو گرفتار کیا گیا ہے۔گرفتار افراد کے قبضے سے ایک پستول،منشیات اور کارتوس برآمد کئے گئے ہیں۔ پولیس کا کہنا ہے کہ گرفتار افراد میں دو درجن سے زیادہ کو ابتدائی تفتیش کے بعد کلیئر کر دیا گیا ہے جبکہ دیگر افراد کے خلاف ایف آئی آر درج کردی گئی ہے۔ مذکورہ افراد میں سے 8 کو کرایہ داری کے کوائف مکمل نہ کرنے پر گرفتار کیا گیا۔

مزید متعلقہ خبریں پڑھئیے‎ :

وقت اشاعت : 26/03/2016 - 14:35:30

متعلقہ عنوان :

اپنی رائے کا اظہار کریں