بھارت نے 2 پاکستانی ویب ڈیزائنر کو ممبئی کانفرنس میں شرکت کے لئے ویزے جاری کر دیئے
تازہ ترین : 1

بھارت نے 2 پاکستانی ویب ڈیزائنر کو ممبئی کانفرنس میں شرکت کے لئے ویزے جاری کر دیئے

پشاور (اُردو پوائنٹ اخبارتازہ ترین۔18 فروری۔2016ء) بھارت نے 2 پاکستانی ویب ڈیزائنر کو ممبئی کانفرنس میں شرکت کے لئے 35 روز بعد ویزے جاری کر دیئے‘ دونوں نوجوانوں کو امریکی ادارہ اسپانسر کر رہا ہے۔ تفصیلات کے مطابق جمعرات کے روز بھارت نے خیبر پختونخوا کے دو ویب ڈیزائنر کو 35 روز گزر جانے کے بعد ویزے جاری کر دیئے۔ ویب ڈیزائنر عظمت شاہ اور محمد تنویر نے ممبئی کے انسٹیٹیوٹ آف ٹیکنالوجی میں جمعرات 18 سے 21 فروری تک ہونے والی کانفرنس میں شرکت کرنی ہے۔

دونوں نوجوانوں کو کانفرنس میں شرکت کرنے کے لئے امریکی ادارے نے اسپانسر شپ فراہم کی ہے۔ واضح رہے کہ دونوں نوجوانوں نے کانفرنس میں شرکت کرنے کے لئے 35 روز قبل بھارتی ہائی کمیشن میں ویزے کے لئے درخواست دی تھی۔ بھارتی ہائی کمیشن نے ویزے جاری کرنے میں شدید تاخیر کی یہاں تک کہ کانفرنس شروع ہو گئی اور بھارتی ہائی کمیشن نے پاکستانی نوجوانوں کو ویزے جاری کر دیئے۔

مزید متعلقہ خبریں پڑھئیے‎ :

وقت اشاعت : 18/02/2016 - 12:04:43

متعلقہ عنوان :

اپنی رائے کا اظہار کریں