پشاور میں 8 سوکنال اراضی پر جدید طرزکا ٹرانسپورٹ کمپلیکس تعمیر کیا جائے گا، ملک شاہ محمد خان

بین الاقوامی معیار سے ہم آہنگ 100جدید بسیں چلانے کیلئے محکمہ عنقریب اشتہار جاری کریگا مرکزی حکومت صوبائی حکومت کیلئے روڑے اٹکا رہی ہے ،ریلوے کی زمین صوبائی حکومت کو لیز پر دینے سے انکار ی ہے، معاون خصوصی وزیراعلی کے پی کے

بدھ 10 فروری 2016 18:04

پشاور(اُردو پوائنٹ اخبارتازہ ترین - این این آئی۔10 فروری۔2016ء) وزیراعلیٰ خیبرپختونخوا کے معاون خصوصی برائے ٹرانسپورٹ ملک شاہ محمد خان وزیر نے کہا ہے کہ صوبائی حکومت نے رنگ روڈ انٹرچینج کے قریب 8 سوکنال پرمشتمل اراضی خریدی ہے۔جس پر جدید طرز کے بین الاقوامی معیار کے مطابق ٹرانسپورٹ کمپلیکس تعمیرکیا جائے گا۔اس کے علاوہ پشاور میں بین الاقوامی معیار سے ہم آہنگ سو جدید بسیں چلانے کے لئے محکمہ عنقریب اشتہار جاری کرے گا۔

ان خیالات کااظہار انہوں نے بدھ کے روز اپنے دفترپشاور میں اخباری نمائندوں سے باتیں کرتے ہوئے کیا۔ملک شاہ محمد خان وزیر نے بتایا کہ شہرمیں ٹریفک کے مسائل کو مدنظر رکھتے ہوئے کیا۔وزیر اعلیٰ خیبرپختونخوا پرویز خان خٹک نے ہدایت کی ہے کہ ٹرک ٹرمینل کے قیام کے لئے اراضی خریدی جائے جس کے لئے سروے شروع کیا گیا ہے۔

(جاری ہے)

انہوں نے کہا کہ مرکزی حکومت صوبائی حکومت کے لئے روڑے اٹکا رہی ہے اور وہ ریلوے کی زمین صوبائی حکومت کو لیز پر دینے سے انکار ی ہے جبکہ دوسری طرف وہ صوبے میں میٹرو کے لئے رقم کی فراہمی کے سلسلے میں عوام کو گمراہ کرنے کے لئے جھوٹے وعدے کرتی ہے۔

اقتصادی راہداری کے حوالے سے بات کرتے ہوئے معاون خصوصی نے کہا کہ جنوبی اضلاع سے تعلق رکھنے والے تمام پارلیمنٹرین میانوالی اورڈی آئی خان روٹ کی مخالفت پرمتفق نہیں کیونکہ مذکورہ مجوزہ راہداری سے صرف ایک ہی ضلع کو استفادہ ہوگا ۔یہی وجہ ہے کہ پہلے مرحلے میں کوریڈورII پر کام کاآغاز کیاجائیگا جس کے لئے ایشیا ڈیویلپمنٹ بنک سے بات ہوگئی ہے۔

کرپشن کے حوالے سے بات کرتے ہوئے انہوں نے کہا کہ محکمہ ٹرانسپورٹ میں کرپشن کو کسی صورت میں برداشت نہیں کیا جائیگا ۔انہوں نے مزید بتایا کہ اس ضمن میں وہ خود کئی دفعہ ٹرانسپورٹ کے دفاتر پراچانک چھاپے لگا چکے ہیں جس کے نتیجے میں کئی اہلکاروں کو معطل کیاگیاہے جبکہ دوسرے محکموں کے ملوث اہلکاروں کے خلاف تادیبی کاروائی کے لئے متعلقہ حکام کو ہدایات دی گئی ہیں۔

Facebook Twitter Reddit Pinterest Whatsapp

پشاور میں شائع ہونے والی مزید خبریں

وزیر اعلیٰ خیبر پختونخوا سردار علی امین خان گنڈاپور کی ڈی آئی خان کے علاقہ درابن میں کسٹمز کی گاڑی پر ..

گندم کی خریداری کے عمل میں سو فیصد شفافیت کے ساتھ ساتھ خریدی جانے والی گندم کے معیار کو بھی ہر لحاظ سے ..

کھیلوں کے شعبے میں باصلاحیت نوجوانوں کی بھرپور سرپرستی کی جائے گی، صوبائی وزیر پختون یارخان

iعوام کی خدمت کیلئے میدان میں کھڑے ہیں ‘ ابراہیم خان

gپشاور پریس کلب کی وزیراعلی خیبرپختونخوا کی خاتون مشیر برائے سوشل ویلفیئر مشعال یوسفزئی کی جانب سے سینیئر ..

{گرانفروشی پر مزید 28 نانبائیوں کو گرفتار کرلیا گیا‘ جیل منتقل

qگلیشیئرز پگھلنے سے نو اضلاع میں سیلابی صورتحال کا امکان

بارشوں سے جانی نقصان ‘ فرزند وزیر کا افسوس کا اظہار

پشاور و گردو نواح میں بوندا باندی نے موسم کو خوشگوار بنا دیا

ضروری مرمت اور ناگزیر وجوہات کی بناء پر بجلی بند رہے گی، پیسکو

خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا ..

پشاور،قومی و صوبائی اسمبلی کی خالی نشستوں پر ضمنی انتخابات21 اپریل کو ہوں گے

پشاور میں 8 سوکنال اراضی پر جدید طرزکا ٹرانسپورٹ کمپلیکس تعمیر کیا جائے گا، ملک شاہ محمد خان

متعلقہ عنوان :

پشاور میں شائع ہونے والی مزید خبریں

پشاور سے متعلقہ

پاکستان کی تازہ ترین خبریں

پاکستان کے مشہور شہروں کی خبریں