اقرباء پروری اورکرپشن کادورگزرچکا ہے، تمام ترقیاتی منصوبوں پر پوری شفافیت کے ..
تازہ ترین : 1

اقرباء پروری اورکرپشن کادورگزرچکا ہے، تمام ترقیاتی منصوبوں پر پوری شفافیت کے ساتھ عمل درآمد جاری ہے حبیب الرحمان

پشاور(اُردو پوائنٹ اخبارتازہ ترین۔08 فروری۔2016ء)خیبرپختونخوا کے وزیراوقاف، زکوۃومذہبی امور حاجی حبیب الرحمن نے کہاہے کہ موجودہ صوبائی حکومت عوام کی بے لوث خدمت پریقین رکھتی ہے اور خدمت کے جذبے کے تحت ضلع بونیر میں بالعموم اور پی ۔کے 78 میں بالخصوص آب رسانی ،بجلی اورسڑکوں کی پختگی کے منصوبوں پرکروڑوں روپے خرچ کئے جارہے ہیں۔ یہ بات انہوں نے آج پشاورمیں ضلع بونیر کے عمائدین کے وفود سے بات چیت کرتے ہوئے کہی۔

صوبائی وزیر نے کہاکہ اقرباء پروری اورکرپشن کادورگزرچکا ہے اور تمام ترقیاتی منصوبوں پر پوری شفافیت کے ساتھ عمل درآمد جاری ہے تاہم اس کے باوجود اگرکسی کوشکایت ہو تو وہ حکومت کے نوٹس میں لائیں تاکہ کرپٹ عناصر کو قانون کے شکنجے میں لایا جاسکے۔حاجی حبیب الرحمن نے وفود کے اراکین کو تلقین کی کہ وہ علاقے کی ترقی کے لئے اپنے باہمی اختلافات بھلادیں اورترقی اورخوشحالی کویقینی بنانے کے لئے موجودہ صوبائی حکومت کے ہاتھ مضبوط کریں۔

وقت اشاعت : 08/02/2016 - 18:58:13

متعلقہ عنوان :

اپنی رائے کا اظہار کریں