امن وامان کے قیام کیلئے خیبرپختونخوا پولیس فورس میں مثالی جدوجہد کی ہے،محمود ..
تازہ ترین : 1

امن وامان کے قیام کیلئے خیبرپختونخوا پولیس فورس میں مثالی جدوجہد کی ہے،محمود خان

پشاور(اُردو پوائنٹ اخبارتازہ ترین۔03 فروری۔2016ء)خیبرپختونخواکے وزیر داخلہ وقبائلی امورمحمود خان نے کہا ہے کہ صوبے میں امن وامان کے قیام کے لئے ہمارے پولیس افسروں اور نوجوانوں نے اپنی جانوں کا نذرانہ پیش کرکے بہادری کی نئی تاریخ رقم کی ہے اورپولیس فورس کے جوانوں کی اس جرات اوردلیری پرہمیں فخر ہے اورامید ہے کہ صوبے میں امن وامان کی صورتحال بہتر بنانے کیلئے اپنی اس شاندار روایات کو برقرار رکھیں گے۔

ان خیالات کااظہار انہوں نے سنٹرل پولیس آفس پشاور میں ان کے اعزاز میں دیئے گئے ایک استقبالیہ تقریب کے موقع پر پولیس افسروں اور جوانوں سے بات چیت کرتے ہوئے کیا۔ اس موقع پر انسپکٹر جنرل پولیس خیبرپختونخوا ناصر درانی نے صوبائی وزیر کو پولیس کی کامیابوں اوردیگر امور کے بارے میں تفصیلی بریفنگ دی انہوں نے بتایا کہ پولیس میں بھرتیاں این ٹی ایس کے ذریعے میرٹ پرکی گئی ہیں جس کے نتیجے میں حقدار اور اہل لوگ بھرتی ہوئے ہیں اور وہ بہتر انداز میں اپنی خدمات سرانجام دے سکیں گے۔

بریفنگ پراطمینان کااظہار کرتے ہوئے محمود خان نے کہا کہ صوبائی حکومت پولیس فورس کو مزید فعال بنانے ،جدیداسلحہ سے لیس کرنے اوراسے بہتر سہولیات فراہم کرنے کے لئے بھر پوراقدامات اٹھارہی ہے تاکہ وہ احسن اندازمیں اپنا فرائض انجام دے سکے ۔انہوں نے کہا کہ خیبرپختونخو پولیس کو ایک مثالی فورس بنانے میں کوئی کسر نہیں چھوڑیں گے اور اس کے لئے تمام تردستیاب وسائل کو بروئے کار لائیں گے۔اس موقع پر انہوں نے انسپکٹر جنرل پولیس خیبرپختونخوا کو یقین دلایاکہ پولیس فورس کو جو مسائل ومشکلات درپیش ہیں ان کے حل کرنے کے لئے بھرپورکوششیں کی جائیں گی اور ضرورت پڑنے پر وزیراعلیٰ خیبرپختونخوا پرویزخٹک سے رابطہ کیا جائیگا۔

مزید متعلقہ خبریں پڑھئیے‎ :

وقت اشاعت : 03/02/2016 - 17:59:35

متعلقہ عنوان :

اپنی رائے کا اظہار کریں