ایس ایس پی پشاورنے مختلف تھانوں کے محرروں کی معطلی کے بعد نئے محرروں کی تعیناتی ..
تازہ ترین : 1

ایس ایس پی پشاورنے مختلف تھانوں کے محرروں کی معطلی کے بعد نئے محرروں کی تعیناتی کے لئے خواہش مند اورقابل اہلکاروں کو براہ راست ٹیسٹ اورانٹرویو کیلئے طلب کرلیا

پشاور(اُردو پوائنٹ اخبارتازہ ترین۔29 جنوری۔2016ء )ایس ایس پی آپریشنز پشاورنے پشاورکے مختلف تھانوں کے محرروں کی معطلی کے بعد مختلف تھانہ جات میں نئے محرروں کی تعیناتی کے لیے خواہش مند اورقابل اہلکاروں کو براہ راست ٹیسٹ اورانٹرویو کیلئے طلب کرلیا۔ تفصیلات کے مطابق گزشتہ روز ایس ایس پی آپریشنز پشاور عباس مجید خان مروت نے ناقص کارکردگی کا مظاہرہ کرنے اورعوامی شکایات پر نوٹس لیتے ہوئے پشاورکے مختلف تھانوں کے محرروں کو لائن حاضر کردیا تھا ان تھانہ جات میں نئے محرروں کی میرٹ اورقابلیت پر تعیناتی کی غرض سے ایس ایس پی عباس مجید خان مروت نے وائرلس کنٹرول کے زریعے کال کرکے محرر کی پوسٹوں پر تعیناتی کے خواہشمند تمام اے ایس آئیز اورہیڈ کانسٹیبل کو ایس ایس پی آفس طلب کرلیا اس حوالے سے ایس ایس پی صاحب کی کال کے بعد 50 سے زائد اہلکاروں نے محرر کی پوسٹ پر تعیناتی کیلئے درخواستیں جمع کر ائی ہیں جن سے باقاعدہ قابلیت پر مبنی امتحان اورانٹرویو لیا جائیگا اورپھر اس کے بعد مختلف تھانوں میں انکی تعیناتی عمل میں لائی جائیگی۔

وقت اشاعت : 29/01/2016 - 21:19:49

متعلقہ عنوان :

اپنی رائے کا اظہار کریں