اقراء گولڈ کپ کرکٹ ٹورنامنٹ شمع کلب نے جیت لیا
تازہ ترین : 1

اقراء گولڈ کپ کرکٹ ٹورنامنٹ شمع کلب نے جیت لیا

پشاور(اُردو پوائنٹ اخبارتازہ ترین۔09 جنوری۔2016ء)پہلااقراء گولڈ کپ کرکٹ ٹورنامنٹ شمع کرکٹ کلب نے جیت لیا،شمع کلب کی طرف سے قومی ٹیم کے مایہ ناز کھلاڑی محمد رضوان اور عادل آمین نے شاندار بیٹنگ کامظاہرہ کرکے اپنے کلب کوفتح دلانے میں کلیدی رول پلے کیا۔شاہی باغ سپورٹس کمپلیکس پشاور کے جمخانہ گراؤنڈ پر کھیلے جانیوالے پہلے اقراء گولڈ کپ کرکٹ ٹورنامنٹ کے فائنل میچ میں شمع کلب کے کپتان اور قومی ٹیم کے مایہ ناز کرکٹرمحمد رضوان نے ٹاس جیت کر پہلے خود بیٹنگ کا فیصلہ کیا اور مقررہ 35اوورزمیں 217رنز بنائے ،جس میں محمد رضوان اورعادل آمین نے ناقابل شکست 57،57رنز سکور کئے جبکہ حمادالحسن نے31رنز بنائے۔

پشاورگروپ آف سکولز،کالج کرکٹ کلب (پی جی ایس سی )کی جانب سے سلمان خان،شاہد خان اور سلمان شنواری نے 2,2جبکہ اسد اللہ نے ایک کھلاڑی کو آؤٹ کیا۔اسکے جواب میں پی جی ایس سی کے کھلاڑی مطلوبہ ہدف حاصل نہ کرسکے اور انکی پوری ٹیم32اوورزمیں 195رنز بناکر آؤٹ ہوگئی،فضل حق نے46،احمد شاہ نے33اورمحمد صابر نے28رنز بنائے،شمع کلب کی جانب سے حماد الحسن ،عادل آمین ،محمد ہارون اور محمد الیاس نے دو،دوجبکہ محمد اعجاز اور ارسلان نے ایک ایک وکٹ حاصل کی۔

اختتامی تقریب کے مہمان خصوصی پشاورڈسٹرکٹ ایسوسی ایشن کے سیکرٹری اصغر علی خان تھے جنہوں نے نمایاں پوزیشن لینے والے کھلاڑیوں نے ٹرفیاں تقسیم کئے انہوں نے فاتح ٹیم کو10ہزار روپے اور نر آپ ٹیم کوتین ڈبے بال دینے کا اعلان کیا ،اس موقع پر پی ڈی سی کے سابق سیکرٹری وشمع کلب کے صدر سید حنیف شاہ اور سینئر سپورٹس جرنلسٹ غنی الرحمن بھی موجود تھے ۔

مزید متعلقہ خبریں پڑھئیے‎ :

وقت اشاعت : 09/01/2016 - 13:53:02

متعلقہ عنوان :

اپنی رائے کا اظہار کریں