تحریک انصاف موروثی سیاست پر یقین نہیں رکھتی، اداروں کی مضبوطی سے عوام کو انکے حقوق گھر کی دہلیز پر ملیں گے،محمد عاطف خان
ہفتہ 2 جنوری 2016 22:35
پشا ور (اُردو پوائنٹ اخبارتازہ ترین - آن لائن۔02 جنوری۔2016ء) صوبائی وزیر تعلیم محمد عاطف خان نے کہا ہے کہ تحریک انصاف موروثی سیاست پر یقین نہیں رکھتی، اداروں کی مضبوطی سے عوام کو انکے حقوق گھر کی دہلیز پر ملیں گے،صوبائی احتساب کمیشن میں پلی بارگین کا تصور نہیں اگر مرکز میں تحریک انصاف کی حکومت بنی تو نیب سے بھی پلی بارگین کا تصور ہمیشہ کے لئے ختم کردیں گے۔
وہ ساولڈھیر اور یونین کونسل فاطمہ کلے میں شمولیتی جلسوں سے خطاب کر رہے تھے ۔اس موقع پر ویلج کونسل گدر کے ناظم جہانگیر خان ، ویلج کونسل ساولڈھیر کے نائب ناظم فقیر تاج ،سید اللہ ،ایاز ممبر،بسم اللہ جان،عارف خان ،سرتاج اور دیگر نے مختلف سیاسی پار ٹیوں سے مستعفی ہو کر تحریک انصاف میں باقاعدہ شمولیت اختیار کر لی ۔(جاری ہے)
صوبائی وزیر تعلیم نے نئے شامل ہونے والوں کو مبارکباد دی اور انہیں ٹوپیاں بھی پہنائیں جبکہ جلسوں سے قومی اسمبلی کے رکن مجاہد خان ،ضلع کونسل کے اراکین ابرار خان ایڈوکیٹ،ملک شوکت،شاہد باچا، عبدالستار،تحصیل کونسلر ایاز صافی ، طارق سعید،احمدی سجاد،ہارون اخونزادہ، سعید خان اورفرہاد علی نے بھی خطاب کیا۔
صوبائی وزیر تعلیم محمد عاطف خان نے کہا کہ ماضی میں کرپشن کرنے والے حکمران اور بڑے بڑے مگر مچھ احتساب کمیشن سے بچنے کے لئے نیب کا سہارا لے رہے ہیں لیکن انہیں چھپنے نہیں دیں گے ۔انہوں نے کہا کہ آئین پاکستان کے مطابق جو کیس نیب میں چل رہے ہوں اس کے خلا ف صوبائی احتساب کمیشن کاروائی نہیں کر سکتا۔ کرپشن کرنے والے مگر مچھوں پر جونہی احتساب کمیشن ہاتھ ڈالتا ہے تو وہ اسے سیاسی انتقام قرار دیتے ہیں انہوں نے کہا کہ یہ کونسا قانون ہے کہ اربوں کی کرپشن کر کے چند کروڑ یا چند لاکھ روپے سے پلی بارگین کی جائے۔انہوں نے کہا کہ کرپشن نے ملک کی بنیادوں کو کھوکھلا کر کے رکھ دیا ہے اب کوئی بھی کرپشن میں پکڑا گیا تو قانون کی گرفت سے نہیں بچ سکے گا۔صوبائی وزیر تعلیم نے کہا کہ ای ٹینڈرنگ کے نظام سے ٹھیکے بھی میرٹ پر دےئے جارہے ہیں تعمیراتی کاموں میں بھی کوئی کرپشن نہیں کر سکتا۔انہوں نے عوام پر زور دیا کہ جو بھی غلط کام دیکھے تو فوری طور پر انکے نوٹس میں لائیں تاکہ بروقت اسے روکا جا سکے۔انہوں نے کہا کہ محکمہ تعلیم میں ناقص کارکردگی پر 7200اساتذہ کے خلاف کاروائی کی گئی ہے انہوں نے کہا کہ افسران یا تو خلو ص دل سے عوام کی خدمت کریں گے یا اپنے عہدے چھوڑ دیں گے۔ پاکستان قدرتی وسائل سے مالامال ہے لیکن ضرورت ایماندار لیڈرشپ کی ہے جو کہ عمران خان کی شکل میں قوم کو مل گئی ہے ۔انہوں نے کہا کہ ملک میں قیام امن کے لئے انصاف کا بول بالا کرنا ہو گا ۔وہی قومیں ترقی کرتی ہیں جہاں حق دار کوحق ملتا ہے۔انہوں نے کہا کہ تحریک کی حکومت اپنے منشور پرعمل پیرا ہے اورانہوں نے صوبے کے تمام اداروں سے کرپشن کا خاتمہ کر کے اداروں کوبا اختیاربنا دیا ہے انہوں نے کہا کہ سیاسی رہنماوٴں کی ماضی کی تقریریں نکال لی جائیں تو پتہ چل جائیگا کہ انکی تقریروں میں کرپشن لفظ کبھی استعمال ہواہی نہیں کیونکہ وہ خود کرپشن مین ملوث تھے۔انہوں نے کہا کہ ملک کی 65فیصد آبادی نوجوانوں پر مشتمل ہے اور نوجوانوں کے ذریعے سے ہی ملک میں خوشحالی آسکتی ہے ۔انہوں نے کہا کہ صوبائی حکومت نے ریکارڈ قانون سازی کر کے اداروں کو بااختیار بنا دیا ہے اور اب غریب کو بھی اسکا حق آسانی سے مل رہا ہے۔ محمد عاطف خان نے ساولڈھیر کے سرکاری سکولوں میں ضروری سہولتوں کی فراہمی کا اعلان کیا اور کہا کہ علاقے کے مسائل بہت جلد حل کئے جائیں گے۔اس موقع پر نادرا خودکش دھماکے میں شہید ہونے والے افراد کی مغفرت اور زخمیوں کی جلد صحتیا بی کے لئے دعا بھی کی گئی۔درایں اثناء صوبائی وزیر تعلیم محمد عاطف خان اور رکن قومی اسمبلی مجاہد خان نے یو سی فاطمہ کے ضلعی کونسلر صفدر علی سے انکی ہمشیرہ کی وفات پر تعزیت کی وہ کچھ دیر انکے ہمراہ رہے اور انہوں نے مرحومہ کی مغفرت کے لئے فاتحہ خوانی کیمتعلقہ عنوان :
پشاور میں شائع ہونے والی مزید خبریں
وزیراعلیٰ خیبرپختونخوا کے مشیر خزانہ مزمل اسلم کی زیر صدارت ٹرانس پشاور اور کیپوما کا اجلاس
کمشنر پشاور کا سوشل میڈیا پر وائرل ویڈیو کا نوٹس، بیروزگار نوجوان کو نوکری اور بچوں کی سرکاری اخراجات ..
کمشنر پشاور ڈویژن کا جمرود کا دورہ، خیبر پاس اکنامک کوریڈور کیلئے مختص مقامات سمیت اکنامک زون اراضی ..
سیکرٹری ٹرانسپورٹ خیبرپختونخوا کا ڈائریکٹر ٹرانسپورٹ کے ہمراہ آر ٹی اے ملاکنڈ کا دورہ
وزیرصحت سید قاسم علی شاہ نے بچے کو پولیو کے قطرے پلاکر صوبے میں انسداد پولیو مہم کا افتتاح کردیا
پنجاب کی ڈرامہ کوئین مریم نواز نے پولیس کے روپ میں جلوہ گر ہوکر ایک نئی قسط ریلیز کردی ،بیرسٹر ڈاکٹرسیف
عمران خان کی فلاحی ریاست کے قیام کے وژن کے تحت عوام کی فلاح وبہبود کیلئے اقدامات اٹھائے جارہے ہیں،ملک ..
کیپٹل میٹروپولیٹن کے زیر انتظام تعلیمی اداروںکو دیگر بہترین تعلیمی اداروں کی فہرست میں لائینگے ،ْ رحمان ..
پشاور کی عظمت رفتہ اور رونقیں بحال کرینگے ،ْ حاجی زبیر علی
گندھارا ہندکو اکیڈمی کی 4کتابیں ایوارڈز کے لئے نامزد ّ
صحتمند معاشرے اور بیماریوں کو جڑ سے اکھارنے کیلئے شعبہ صحت میں تحقیق انتہائی ضروری ہے، حاجی غلام علی ..
عوامی شکایات پر فوڈ اتھارٹی کے صوبہ بھر میں ہسپتالوں کی کنٹینر پر چھاپے، لیڈی ریڈنگ ہسپتال پشاور کی ..
پشاور سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار