فوت ہونے والے پولیس اہلکاروں کی بیوہ گان میں گزارہ الائونس کے چیک تقسیم

بدھ 30 نومبر 2016 20:29

ملتان۔30 نومبر(اُردو پوائنٹ اخبارتازہ ترین - اے پی پی۔ 30 نومبر2016ء) سٹی پولیس آفیسرملتان محمد احسن یونس نے گزشتہ روزریکریشن ہال میں دوران ِ سروس فوت ہونے والے پولیس اہلکاروں کی بیوگان و بچوں سے میٹنگ کی جس میں انہیں اس بات کی یقین دہانی کروائی کہ پولیس محکمہ آپ لوگوں کے ساتھ ہے ، بچوں کو بتایا کہ آپ کے والد نے پولیس کے لئے جو خدمات ادا کیں ہیں وہ قابل ِ تعریف ہیں پولیس میں رہتے ہوئے عوام کی خدمت اور جرم کو ختم کرنے کے لئے پولیس کے اہلکار ہمیشہ سے اپنے فرائض سرانجام دیتے رہے ہیں اور اسی طرح جانفشانی کے ساتھ اپنے فرائض نبھاتے رہیں گے۔

(جاری ہے)

فوت ہونے والے اہلکاروں کی بیوگان اور بچوں کے لئے محکمہ پولیس کی جانب سے گزارہ الائونس دیا جاتا ہے جس کے مطابق اگر فوت ہونے والے کا ایک بچہ ہے تو اس کو ماہانہ 1000/-روپے اور 5000/-روپے فوت ہونے والے کی بیوہ کے جوکہ ہر تین ماہ بعد ادا کئے جاتے ہیں،اس سلسلہ میں سٹی پولیس آفیسر ملتان محمد احسن یونس نے 55اہلکاروں کی فیملیز میں گزارہ الائونس کے چیک تقسیم کئے اور ان سے کہا کہ کبھی بھی کسی بھی قسم کا مسئلہ ہو تو بغیر کسی ہچکچاہٹ کے میرے پاس آسکتے ہیں آپ لوگوں کے لئے میرے دروازے 24گھنٹے کھلے ہیں ۔