نریندر مودی پر جنگی جنون سوار ہے،بھارتی وزیراعظم نے گجرات میں قتل وغارت گری کی ..
تازہ ترین : 1

نریندر مودی پر جنگی جنون سوار ہے،بھارتی وزیراعظم نے گجرات میں قتل وغارت گری کی تھی ، اب کشمیر میں بھی اس کا تسلسل جاری رکھا ہوا ہے

پیپلزپارٹی کے سینئررہنما و سابق گورنرپنجاب سردار لطیف کھوسہ کی ملتان میں میڈیا سے گفتگو

ملتان(اُردو پوائنٹ اخبارتازہ ترین۔ 25 نومبر2016ء) پیپلزپارٹی کے سینئررہنما و سابق گورنرپنجاب سردار لطیف کھوسہ نے کہا ہے کہ نریندر مودی پر جنگی جنون سوار ہے،مودی نے گجرات میں قتل وغارت گری کی تھی اور اب کشمیر میں بھی اس کا تسلسل جاری رکھا ہوا ہے۔کشمیر پاکستان کی شہ رگ ہے۔ جمعہ کوملتان پریس کلب میں وکلاء رہنمائوں کے ہمراہ میڈیا سے گفتگوکرتے ہوئے پیپلزپارٹی کے رہنما کا کہنا تھا کہ مقبوضہ کشمیر میں لوگوں کو بنیادی حقوق بھی حاصل نہیں ہیں، حریت رہنمائوں کو نظر بند یا پھر گرفتار کیا جارہا ہے۔

انسانی حقوق کی تنظیمیں کشمیریوں کیلئے آواز اٹھائیں ۔بھارتی وزیراعظم پر جنگی جنون سوار ہے ۔انہوں نے مزید کہا کہ بھارتی وزیراعظم نریندر مودی جان لیں اگر کشمیریوں پر ظلم جاری رکھیں گے تو کشمیر میں جارحیت بڑھتی جائے گی،انہوں نے کہا کہ میں کشمیر کے مسئلہ پراقوام متحدہ کے سیکرٹری جنرل بان کی مون اور برطانوی وزیر خارجہ کے بیان سے حیران ہوں۔

مزید متعلقہ خبریں پڑھئیے‎ :

وقت اشاعت : 25/11/2016 - 21:00:11

اپنی رائے کا اظہار کریں