محکمہ موسمیات کی جانب سے بارشوں کی پیشگوئی کے بعد ضلع مٹیاری میں تمام اداروں کو ہائی الرٹ رہنے کی ہدایت

مٹیاری(اُردو پوائنٹ اخبارتازہ ترین - این این آئی۔ 25 جولائی2017ء) محکمہ موسمیات کی جانب سے حیدرآباد ڈویزن سمیت سندھ کے دیگر علاقوں میں تیز ہوائوں کے ساتھ بارشوں کی پیشگوئی کے بعد ڈپٹی کمشنر مٹیاری پرویز احمد بلوچ نے ضلع بھر میں ہائی الرٹ جاری کرتے ہوئے محکمہ آبپاشی ، صحت ، لائیو اسٹاک ، بلدیات ، سول ڈیفنس ، اور روینیوکے ملازمین کی چھٹیاں منسوخ کرکے انھیں ڈیوٹی پر موجود ارہنے کے احکامات جاری کیئے ہیں ۔

یہ فیصلہ ڈپٹی کمشنر مٹیاری پرویز احمد بلوچ کی زیر صدارت ضلع کے تمام افسران کے اجلاس میں کیا گیا ڈی سی مٹیاری نے کہا کہ تمام ادارے بارشوں سے قبل تیاری مکمل کرلیں تا کہ عوام کو کسی مشکل صورتحال کا سامنا نہ کرنا پڑے اور اس ضمن میں کسی قسم کی غفلت برداشت نہیں کی جائیں گی ۔

(جاری ہے)

ان کا کہنا تھا کہ کمشنرحیدرآباد نے بھی مٹیاری سے بھانوٹ تک دریائے سندھ کے بچائو بند کا دورہ کر کے صورتحال کا جائزہ لیا جہاں بند کے بعض مقامات پر تجاوزات اور کمزور پشتون کی نشاندہی کی گئی جن کیلئے محکمہ آبپاشی کے عملدارفوری طور پر اقدامات اٹھاکر تجاوزات کو ختم کرکے دریائے سندھ لہروں اور شاخوں کی نگرانی کو یقین بنائیں۔

صحت اور لائیو اسٹاک کے ہسپتالوں میں مطلوبہ ادویات کی دستیابی کو یقینی بنانے جبکہ بلدیاتی اداروں کو مٹیاری ، بھٹ شاہ ، ہالا ، اور سعید آباد سمت دیگر چھوٹے شھرون سے بارش کے پانی کی فوری نکاسی کیلئے مشینری سمیت دیگر وسائل موجود رکھنے کے احکامات دیئے گئے ۔ اجلاس میں مختلف محکموں کی جانب سے کسی بھی ممکنہ ہنگامی صورتحال سے نمٹنے کیلئے مجوزہ منصوبہ بندی سے متعلق تفصیلی بریفنگ دی گئی ۔