سیاست نے بھائیوں کو ایک دوسرے کا مخالف بنا دیا، گجرات سے ایک بھائی نے دوسرے کے کاغذات مسترد کرانے کے لئے لاہور ہائیکورٹ سے رجوع کر لیا

جمعہ 22 جون 2018 07:10

لاہور۔21 جون(اُردو پوائنٹ اخبارتازہ ترین - اے پی پی۔ 22 جون2018ء) سیاست نے بھائیوں کو ایک دوسرے کا مخالف بنا دیا، گجرات سے ایک بھائی نے دوسرے کے کاغذات مسترد کرانے کے لئے لاہور ہائیکورٹ سے رجوع کر لیا، عدالت نے فریقین سے کل جواب طلب کر لیا ‘جسٹس شہباز رضوی نے مخالف امیدوار شاہد رضا کی اپیل پر سماعت کی تو اپیل کنندہ کے وکیل نے عدالت کے روبرو موقف اختیار کیا کہ ریٹرننگ افسر نے امیدوار عابد رضا کے کاغذات نامزدگی حقائق کے برعکس منظور کیے اپیل کنندہ وکیل اصغر اے گل نے الزام لگایا کہ امیدوار کا شیڈول 4 میں شامل اور امیدوار سزا یافتہ ہے اور جرائم پیشہ ہے جبکہ امیدوار نے کاغذات نامزدگی میں اثاثے چھپائے اپیل کنندہ نے قانونی نقطہ اٹھایا کہ امیدوار آئین کے آرٹیکل 62 63 پر پورا نہیں اترتے تاہم ایپلٹ ٹربیونل عابد رضا کے کاغذات نامزدگی مسترد کرے عدالت نے اپیل کنندہ کے وکیل کے دلائل سننے کے بعد امیدوار اور دیگر فریقین سے جواب طلب کر لیا۔