فاٹا کے انضمام کے بعد ضروری ہے کہ اس علاقے میں فوری امن قائم کیا جائے

انضمام کے ثمرات جب آئینگے جس وقت پاکستان کے 119قوانین کا اطلاق فاٹا میں بھی کیا جائے گا ، تھنک ٹینک آئی پی آر

جمعرات 14 جون 2018 21:16

لاہور (اُردو پوائنٹ اخبارتازہ ترین - آن لائن۔ 14 جون2018ء) تھنک ٹینک انسٹی ٹیوٹ فار پالیسی ریفارمز نے فاٹا کے، کے پی کے کے انضمام کے سلسلے میں ایک جامع رپورٹ جاری کی ہے۔ یہ رپورٹ فاٹا اور کے پی کے معا ملات کے بارے میں وسیع تجربہ رکھنے والے معروف ماہرین رحیم اللہ یوسفزئی اور سابق سفیر رستم خان مہمند نے تیار کیں ہیں۔رپورٹ کے مطابق پارلیمنٹ سے منظور ہونے والی فاٹا کے انضمام کی آئینی دستاویز پر جس دن صدرپاکستان نے دستخط کیے اس دن ایک تاریخ بنائی گئی لہٰذا یہ کوئی معمولی واقع نہیں ہے ۔

آئی پی آر کی رپورٹ میں مزید کہا گیا ہے کہ فاٹا کے انضمام کے بعد ضروری ہے کہ اس علاقے میں فوری امن قائم کیا جائے نیز فاٹا کی سڑکوں اور دیگر انفرراسٹرکچر کی تعمیر نو کی جائے ۔

(جاری ہے)

رحیم اللہ یوسفزئی نے کہا کہ انضمام کے ثمرات جب آئینگے جس وقت پاکستان کے 119قوانین کا اطلاق فاٹا میں بھی کیا جائے گا آئی پی آر رپورٹ میں مزید کہا گیا ہے کہ کیونکہ فاٹا کے انضمام کے خلاف ملک کے اندر سے اور افغانستان کی طرف سے آوازیں اٹھائی جا ر ہی ہیں لہٰذا سیکورٹی خدشات کو مد نظر رکھتے ہوئے پاکستانی دستوں کو وہاں قیام کرنا چاہیے ۔رپورٹ کے آخر میں کہا گیا ہے کہ انضمام کے بعد جب فاٹا میں بلدیاتی الیکشن وغیرہ ہو نگے تو مزید بہتری آئیگی ۔