ایگز یکٹو ڈائریکٹر لاہور آرٹس کونسل کیپٹن (ر ) عطا محمد خان کا مدیحہ گوہر کے انتقال پر اظہار افسوس

مدیحہ گوہر کی خدمات کوہمیشہ سراہا جائے گا، ای ڈی لاہور آرٹس کونسل

بدھ 25 اپریل 2018 17:39

لاہور۔25 اپریل(اُردو پوائنٹ اخبارتازہ ترین - اے پی پی۔ 25 اپریل2018ء) ایگز یکٹو ڈائریکٹر لاہور آرٹس کونسل کیپٹن (ر ) عطا محمد خان نے با صلاحیت اداکارہ، تخلیق کار اور انسانی حقوق کی علمبردار مدیحہ گوہر کے انتقال پر گہرے افسوس کا اظہار کرتے ہوئے کہا کہ انھوں نے الحمراء آرٹس کونسل کے ساتھ مل کر اجوکاء تھیٹر کے ذریعے سماجی نا انصافیوں اور معاشی ناہمواری کے خلاف موثر آواز اٹھائی، ان کا نام جہاں انتہاپسندی،جنونیت اور آمریت کے خلاف آواز بلند کرنے وہاں انسانیت دوستی ،جمہوریت اور عوام کو مقتدر بنانے کے حوالے سے ہمیشہ یاد رکھا جائے گا،ان کا انتقال ہمارے لئے باعث رنج ہے،ان کی رحلت سے ایک عہد تمام ہوا، تھیٹر کو نئی زندگی بخشنے اور ایک سماجی کارکن کے طور پر ان کی خدمات کوہمیشہ سراہا جائے گا،آخری ایام میں انھوںنے الحمرا ء کے تعاون سے نہایت خوبصورت ڈرامے پیش کئے جنہیں عوامی سطح پر بہت پذیرائی ملی۔