پاکستان علماء کونسل کے زیر اہتمام تیسری عالمی پیغام اسلام کانفرنس آج ایوان اقبال میں منعقد ہوگی

اتوار 22 اپریل 2018 15:10

لاہور (اُردو پوائنٹ اخبارتازہ ترین - این این آئی۔ 22 اپریل2018ء) پاکستان علماء کونسل کے زیر اہتمام تیسری عالمی پیغام اسلام کانفرنس آج (پیر )23 اپریل بوقت 12 بجے دوپہر ایوان اقبال لاہورمیں منعقد ہو گی ، جس میں مختلف اسلامی ممالک کے قائدین ، سفراء اور مختلف مکاتب فکر کے علماء و مشائخ خطاب کریں گے ۔

(جاری ہے)

کانفرنس سے سعودی عرب وزارت مذہبی امور کے ذمہ داران ، جامعہ الازہر کے نمائندے اور فلسطین کے ڈپٹی چیف جسٹس بھی خطاب کریں گے ۔ کانفرنس 12 بجے دوپہر سے 04 بجے سہ پہر تک جاری رہے گی ، کانفرنس کا اعلامیہ شام 04 بجے پیش کیا جائے گا۔ کانفرنس کی صدارت پاکستان علماء کونسل کے مرکزی چیئرمین حافظ محمد طاہر محمودا شرفی کریں گے۔

لاہور میں شائع ہونے والی مزید خبریں