پیک امتحان سے غیر حاضر سپرنٹنڈنٹ اور نگران اساتذہ کے خلاف کارروائی شروع کر دی گئی

ڈسٹرکٹ ایجوکیشن اتھارٹی نے غیرحاضری پر متعدد نگران اساتذہ کو شوکاز نوٹس جاری کردیئے‘غیر حاضر سپرنٹنڈنٹ اور نگران اساتذہ کی شامت آگئی

جمعہ 16 فروری 2018 22:30

لاہور(اُردو پوائنٹ اخبارتازہ ترین - آئی این پی۔ 16 فروری2018ء) پیک امتحان سے غیر حاضر سپرنٹنڈنٹ اور نگران اساتذہ کے خلاف کارروائی شروع کر دی گئی، ڈسٹرکٹ ایجوکیشن اتھارٹی نے غیرحاضری پر متعدد نگران اساتذہ کو شوکاز نوٹس جاری کردیئے۔

(جاری ہے)

تفصیلات کے مطابق پیک کے تحت پرائمری اور مڈل کے امتحان سے غیر حاضر سپرنٹنڈنٹ اور نگران اساتذہ کی شامت آگئی، ڈسٹرکٹ ایجوکیشن اتھارٹی نے کارروائی کا آغاز کر دیا امتحانی ڈیوٹی سے غیرحاضر متعدد اساتذہ کو شوکاز نوٹس جاری کر دیئے سی ڈی جی بوائز ہائی سکول ٹان شپ کے ایس ایس ٹی بسم اللہ خان جبکہ سی ڈی جی گرلز ہائی سکول شادمان کالونی کی ایس ایس ٹی عارفہ گل کو شوکاز نوٹس جاری کیا گیا اسی طرح مختلف امتحانی سنٹرز سے غیرحاضری پر محمد بشیر، زاہد احمد، نعمان ظفر، صالح محمد، زبیر احمد، جمیل رضا اور محمد سیال کو شوکاز نوٹسز جاری کئے گئے ہیںکنٹرولر امتحانات ملک احسان کا کہنا ہے کہ متعلقہ اساتذہ کے خلاف پیک امتحان میں ڈیوٹی دینے سے انکار کی وجہ سے انضباطی کارروائی کی جائے گی۔