بجلی شارٹ فال تین ہزار میگاواٹ پر آ گیا،شہروں میں 8، دیہاتوں میں 12 گھنٹے لوڈ شیڈنگ
تازہ ترین : 1
بجلی شارٹ فال تین ہزار میگاواٹ پر آ گیا،شہروں میں 8، دیہاتوں میں 12 ..

بجلی شارٹ فال تین ہزار میگاواٹ پر آ گیا،شہروں میں 8، دیہاتوں میں 12 گھنٹے لوڈ شیڈنگ

لاہور(اُردو پوائنٹ تازہ ترین اخبار۔ 10مئی 2014ء)ملک بھر میں بجلی کا شارٹ فال تین ہزار میگاواٹ تک آ گیا ، شہری علاقوں میں آٹھ جبکہ دیہی علاقوں میں بارہ گھنٹے کی لوڈشیڈنگ کی جا رہی ہے۔ بجلی کی طلب چودہ ہزار چھ سو اور پیداوار گیارہ ہزار چھ سو میگاواٹ ہے۔ ہائیڈل ذرائع سے تین ہزار تین سو پچاس ، تھرمل سے ایک ہزار چھ سو میگاواٹ بجلی پیدا کی جا رہی ہے ۔

آئی پی پیز سے چھ ہزار چھ سو پچاس میگاواٹ بجلی حاصل کی جا رہی ہے۔بجلی کا شارٹ فال تین ہزار میگاواٹ ہونے سے شہری علاقوں میں آٹھ گھنٹے کی لوڈشیڈنگ کی جا رہی ہے جبکہ دیہی علاقوں میں بجلی کی بندش کا دورانیہ بارہ گھنٹے تک ہے جس سے صارفین کی مشکلات بڑھ گئی ہیں ۔ شہریوں اور تاجروں کے معمولات زندگی شدید متاثر ہو رہے ہیں۔حکام کے مطابق گرمی کی شدت میں کچھ کمی آئی ہے جس سے بجلی کی طلب میں بھی کمی ہوئی ہے ۔ شارٹ فال کم ہونے سے لوڈشیڈنگ کے دورانیہ میں ایک سے دو گھنٹے کمی ہوئی ہے۔

وقت اشاعت : 10/05/2014 - 12:12:02

متعلقہ عنوان :

اپنی رائے کا اظہار کریں