برطانیہ سے آیا ہوا خاندان ہائی وولٹیج تاروں سے چھو کر جھلسنے والے بچے کو علاج کی ناکافی سہولیات کے باعث ائیر ایمبولینس کے ذریعے بیرون ملک لے گیا،جناح اور میو ہسپتال کے ڈاکٹروں کی غفلت اور نا تجربہ کاری میں دی جانیوالی طبی امداد کے نتیجے میں بچے کی انگلیاں ضائع ہو گئیں ،اوور سیز والدین کا وزیر اعلیٰ سے برن یونٹس کو فعال ،جدید مشینری اور برن انجری کے سپیشلائز ڈاکٹروں کی تعیناتی کا مطالبہ
اتوار 27 اپریل 2014 18:18
لاہور(اُردو پوائنٹ اخبار تازہ ترین۔27اپریل۔2014ء) برطانیہ سے آیا ہوا خاندان لیسکو کی ہائی وولٹیج تاروں سے چھو کر جھلسنے والے نو سالہ بچے کو سرکاری ہسپتالوں میں علاج معالجے کی ناکافی سہولیات اوربرن انجری کے سپیشلائز ڈاکٹر زکی عدم دستیابی کے باعث ائیر ایمبولینس کے ذریعے علاج کی غرض سے برطانیہ لے گیا ،جناح اور میو ہسپتال کے ڈاکٹروں کی غفلت اور نا تجربہ کاری میں دی جانیوالی طبی امداد کے نتیجے میں بچے کی انگلیاں ضائع ہو گئیں ،اوور سیز والدین نے وزیر اعلیٰ پنجاب سے سرکاری ہسپتالوں میں برن یونٹس کو فعال ،جدید مشینری اور جھلسے ہوئے مریضوں کے علاج کیلئے سپیشلائز ڈاکٹروں کی تعیناتی کا مطالبہ کر دیا ۔
عرصہ بیس سال سے برطانیہ میں مقیم پاکستانی شکیل طارق نے وزیر اعلیٰ پنجاب محمد شہباز شریف کے نام اپنے کھلے خط میں حادثے سے متعلق بتایا کہ وہ اپنے والد کے انتقال اپنے چار بچوں اور بیوی کے ہمراہ برطانیہ سے مکہ کالونی گلبرگ آیا ہوا ۔(جاری ہے)
رواں ماہ کی 17تاریخ کو ان کا نو سالہ بیٹا دانیال پہلی منزل کی ٹیرس پر کھیلتے ہوئے اپنا تواز بر قرار نہ رکھ سکا اورگرنے سے بچنے کیلئے پہلی منزل کے قریب سے گزرتی ہوئی لیسکو کی ہائی وولٹیج 11کے وی کی تاروں جنہیں پلاسٹک بھی لپیٹ رکھا تھا کو پکڑنا پڑا جس پر ایک دھماکہ ہوا اور کرنٹ لگنے سے ان کا بیٹا دیوار میں جا لگا جس پر دانیال کو فوری نزدیکی نجی ہسپتال لیجایا گیا تاہم برن یونٹ نہ ہونے کی وجہ سے ابتدائی طبی امداد دے کر اسے میو ہسپتال بھجوایا گیا ۔
انہوں نے بتایا کہ مریض کی تشویشناک حالت کے باوجود میو ہسپتال برن یونٹ کے عملے نے بتایا کہ ہمارے پاس کم از کم تین سے چار گھنٹے مریض کے لئے جگہ دستیاب نہیں جس پر مریض کی حالت کو دیکھتے ہوئے ایک او رنجی ہسپتال بھجوایا دیا گیا ۔ میو ہسپتال کے عملے کے مشورے پر نجی ہسپتال پہنچے تو انہوں نے بتایا کہ ہمارے پاس تو برن یونٹ ہی نہیں اسے میو یا جناح لے لیجائیں جس پر ہم پھر بچے کو لے کر جناح ہسپتال چلے گئے ۔ جہاں پہنچ کر پتہ چلا کہ وہاں برن یونٹ اور مشینری تو ہے لیکن غیر فعال ہے جبکہ ہسپتال کے ڈاکٹرز نے مریض کو ابتدائی طور پر چیک کرنے کے بعد بتایا کہ وہ برن انجری کے سپیشلائز ڈاکٹر نہیں بلکہ عمومی علاج کر سکتے ہیں اور ساتھ یہ مشورہ بھی دیا کہ آپ کا تعلق برطانیہ سے ہے لہٰذا بچے کو بیرون ملک لیجانا ہی بہتر ہے ۔ شکیل نے بتایا کہ اس نے برطانوی ہائی کمیشن رابطہ کر کے صورتحال سے آگاہ کیا اور ائیر ایمبولینس کا انتظام کر کے بچے کو برطانیہ منتقل کر دیاگیا جہاں ان کا تاحال انتہائی نگہداشت میں زیر علاج ہے ۔ شکیل نے بتایا کہ برطانوی ڈاکٹر ز نے بچے کا معائنہ کرتے ہوئے بتایا کہ پاکستان میں بچے کو جس طرح طبی امداد دی گئی ہے اس سے اسکی حالت زیادہ بگڑ گئی ہیں۔ ڈاکٹروں کے مطابق تاروں کو چھونے کی وجہ سے بچے کے اکڑنے والے ہاتھ کو کھولنے کی کوشش ہی نہیں کی گئی جسکی وجہ سے اسکے ہاتھ کی انگلیاں کاٹنا پڑیں ۔ شکیل نے گھروں کے قریب سے لیسکو کی گزرتی ہوئی ہائی وولٹیج تاروں اور سرکاری ہسپتالوں میں علاج معالجے کی ناکافی سہولیات پر انتہائی دکھ کا اظہار کرتے اپیل کی ہے کہ نہ صرف اس سلسلہ میں وفاقی حکومت واپڈا کو ضروری حفاظتی انتظامات کی ہدایات کرے بلکہ صوبائی حکومت علاج معالجے کی سہولیات کی فراہمی پر بھی توجہ دے ۔متعلقہ عنوان :
لاہور میں شائع ہونے والی مزید خبریں
پنجاب بارکونسل کا ججز خط کے معاملے پر کمیشن کے اعلان کا خیرمقدم
فارما انڈسٹری کے معیار کی بہتری کیلئے ہمارے ماہرین ہر وقت تیار ہیں‘خواجہ عمران نذیر
وزیر تعلیم کا خفیہ ٹیم کی نشاندہی پر مزنگ امتحانی سنٹر پر چھاپہ، سنٹر سیل
وزیر بلدیات سے امریکی قونصل جنرل کی ملاقات، ’’ستھرا پنجاب‘‘ میں تعاون کی پیشکش
ذیشان رفیق سے امریکی قونصل جنرل کی ملاقات، دوطرفہ دلچسپی کے امور پر تبادلہ خیال کیا
چوہدری شافع حسین سے ترکیہ قونصل جنرل کی ملاقات، تجارتی تعاون بڑھانے پر اتفاق کیا
وزیر تعلیم کاامتحانی سنٹر پر چھاپہ،4پرائیویٹ انویجیلیٹرز،2سنٹر انچارج سمیت 8افرادگرفتار
غ*وزیر تعلیم کے سرکاری سکولوں اور امتحانی مراکز کے سرپرائز دوروں کا سلسلہ جاری
پنجاب پاپولیشن ویلفیئر اور فارمن کرسچن کالج یونیورسٹی لاہور کے اشتراک سے آگاہی سیمینار کا انعقاد
pپنجاب بھر میں ٹریفک حادثات میں 536 افراد شدید زخمی ہو گئے
eناجائز منافع خوروں کو 5لاکھ 2ہزار روپے جرمانے عائد
ً ٹرانسپورٹیشن کو جدید خطوط پر استوار کرنے کے مشن پر گامزن ہیں۔ صوبائی وزیر ٹرانسپورٹ
لاہور سے متعلقہ
پاکستان کی تازہ ترین خبریں
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا