وزیر اعلیٰ پنجاب کے نوٹس لینے پر پولیس نے 14سالہ لڑکی سے زیادتی کرنیوالے جعلی پیر ..
تازہ ترین : 1

وزیر اعلیٰ پنجاب کے نوٹس لینے پر پولیس نے 14سالہ لڑکی سے زیادتی کرنیوالے جعلی پیر کو گرفتار کر لیا

لاہور ( اُردو پوائنٹ تازہ ترین اخبار۔ 16اپریل 2014ء) جنوبی چھاؤنی بھٹہ چوک کے قریب 14سالہ لڑکی کو مبینہ طور پر زیادتی کا نشانہ بنانے والے جعلی پیر کو گرفتار کر لیا گیا ۔تفصیلات کے مطابق منگل کے روز بھٹہ چوک کے قریب جعلی پیر غلام رسول نے علاج کیلئے آنے والی 14سالہ لڑکی کو مبینہ طور پر زیادتی کا نشانہ بنا ڈالا اور موقع سے فرار ہو گیا ۔ وزیر اعلیٰ پنجاب محمد شہباز شریف نے واقعہ کا نوٹس لیتے ہوئے جعلی پیر کو فی الفور گرفتار کرنے کا حکم دیا ۔ ایس پی کینٹ سرفراز ورک کے مطابق 14سالہ بچی سے مبینہ طور پر زیادتی کرنے والے جعلی پیر غلام رسول کو بدھ کے روز گرفتار کر کے کارروائی کا آغاز کر دیا گیا ہے ۔

وقت اشاعت : 16/04/2014 - 16:05:12

متعلقہ عنوان :

اپنی رائے کا اظہار کریں