معروف کرکٹر محمد حفیظ اور سلمان بٹ بھی پنجاب یوتھ فیسٹیول کے مداح نکلے، پنجاب ..
تازہ ترین : 1

معروف کرکٹر محمد حفیظ اور سلمان بٹ بھی پنجاب یوتھ فیسٹیول کے مداح نکلے، پنجاب یوتھ فیسٹیول کے ذریعے نوجوانوں کو آگے بڑھنے کا پلیٹ فارم مہیا کیا گیا،محمد حفیظ اور سلمان بٹ کا تقریب سے خطاب

لاہور(اُردو پوائنٹ اخبار تازہ ترین۔6اپریل۔2014ء)قومی ٹی ٹونٹی ٹیم کے سابق کپتان محمد حفیظ اور سلمان بٹ بھی پنجاب یوتھ انٹرنیشنل فیسٹیول کے مداح نکلے۔نوجوانوں کے حوالہ سے کئے گئے اقدامات پرسپورٹس بورڈ پنجا ب اوروزیر اعلیٰ پنجا ب میاں شہباز شریف کے ویژن کو خوب سراہا۔ سپورٹس بورڈپنجاب اور لٹویا کی حکومت کے مابین معاہدے کی یاد داشت پر دستخط کرنے کی تقریب سے خطاب کرتے ہوئے محمد حفیظ نے کہا کہ میں پنجاب یوتھ فیسٹیول کے کامیاب انعقاد پر حکومت پنجاب کو مبارکباد پیش کرتا ہوں۔

انہوں نے کہاکہ یوتھ فیسٹیول کے ذریعے نوجوانوں کو آگے بڑھنے کا پلیٹ فارم مہیا کیا گیا، پاکستان نے ہمیشہ عظیم کھلاڑیوں کو جنم دیا ہے جنہوں نے دنیا بھر میں ملک کا نام روشن کیا،امید ہے کہ وزیر اعلیٰ پنجاب کے ویژن کے تحت مزید باصلاحیت کھلاڑی سامنے آ کر کھیلوں کے میدانوں میں سبز ہلالی پرچم کو بلند کریں گے۔ سلمان بٹ نے کہا کہ ہمیں تقریب میں مدعو کرکے جو عزت بخشی گئی اس پر صوبائی و ز یر کھیل رانا مشہود احمد اور ڈی جی سپورٹس بو رڈ پنجا ب عثمان انور کا مشکور ہوں۔

انہوں نے کہا کہ نوجوانوں کی بہتر نشوو نما کے لئے گراس روٹ لیول پر کھیلوں کا فروغ نہایت ضروری ہے اور اس ضمن میں پنجاب یوتھ فیسٹیول کا کردار مثالی ہے۔ انہوں نے کہا کہ لٹویا کی حکومت کے ساتھ سپورٹس بورڈ پنجاب کا معاہدہ خوش آئند ہے،پنجاب یوتھ فیسٹیول سمیت کھیلوں کے فروغ کیلئے کی جانے والی کوششوں میں ہم وزیر اعلی پنجاب میاں شہباز شریف کے شانہ بشانہ چلیں گے۔

مزید متعلقہ خبریں پڑھئیے‎ :

وقت اشاعت : 06/04/2014 - 20:43:14

متعلقہ عنوان :

قارئین کی رائے :

  • Amjad ali Says : 07/04/2014 - 20:06:53

    I want to say that in pakistan cricket team there is no place for shoaib malik for t20 because imran nazir is a very opener .I really feel sad that if imran nazir will decide to play from other country then theyayed in series they dont have any practice but you include them in world so it was will support him so kindly don't waist his talent for god sake and the if shoaib and kamran did't plreally shocking thing.

    Reply to this comment

اپنی رائے کا اظہار کریں