حفیظ نے ورلڈ ٹی ٹونٹی میں ویسٹ انڈیز سے شکست کی ذمہ داری قبول کرلی ،قیادت سے مستعفی ‘ معین کا کنٹریکٹ بھی ختم، ایک روزہ اور ٹیسٹ ٹیم کے نائب کپتان کی حیثیت سے بھی دستبردار ی کا اعلان ،رضا کارانہ استعفیٰ دیا،بحیثیت کھلاڑی کسی کی بھی کپتانی میں کھیلنے کیلئے تیار ہوں ،بورڈ نے فیصلہ کرنا ہے کہ کسے کپتان بنانا ہے ‘حفیظ کی میڈیا سے گفتگو،بورڈ سے د و ٹورنامنٹس کا کنٹریکٹ تھا جو ختم ہو گیا،بورڈ کی صوابدید ہے مجھے رکھے یا نہ رکھے‘ معین خان،حفیظ کا فیصلہ لائق تحسین ہے ،پوری ٹیم کو تبدیل نہیں کیا جاتا ، بلے بازوں سے غلطیاں ہوئیں‘ میڈیا سے گفتگو ۔ تفصیلی خبر
جمعرات 3 اپریل 2014 20:49
لاہور(اُردو پوائنٹ اخبار تازہ ترین۔3اپریل۔2014ء) قومی ٹی ٹونٹی کرکٹ ٹیم کے کپتان محمد حفیظ نے ورلڈ ٹی ٹونٹی میں ویسٹ انڈیز سے شکست کی ذمہ داری قبول کرتے ہوئے قیادت سے استعفیٰ دیدیا ،حفیظ نے ایک روزہ اور ٹیسٹ ٹیم کے نائب کپتان کی حیثیت سے بھی دستبردار ی کا اعلان کر دیا ہے ،معین خان کا بھی کنٹریکٹ ختم ہو گیا اور ان کا کہنا ہے کہ بورڈ کی صوابدید ہے کہ اب وہ مجھے ذمہ داریاں دے یا نہ دے۔
محمد حفیظ نے یہ اعلان گزشتہ روز بورڈ کے چیئرمین نجم سیٹھی کی سربراہی میں اعلیٰ سطحی اجلاس کے بعد میڈیا سے گفتگو کرتے ہوئے کیا ۔ اجلاس میں ہیڈ کوچ معین خان ، بالنگ کوچ محمد اکرم ،فیلڈنگ کوچ شعیب محمد ، بیٹنگ کنسلٹنٹ ظہیر عباس ، ٹی ٹونٹی کے کپتان محمد حفیظ سمیت دیگر نے شرکت کی ۔(جاری ہے)
اجلاس میں چیئرمین نے کپتان اور مینجمنٹ سے قومی ٹیم کی ناقص کارکردگی بارے پوچھ گچھ کی اور سخت ناراضگی کااظہار کیا ۔
اجلاس میں محمد حفیظ نے شکست کی ذمہ داری قبول کرتے ہوئے استعفیٰ دینے کی پیشکش کی ۔ میڈیا سے گفتگو کرتے ہوئے محمد حفیظ نے کہا کہ پی سی بی چیئرمین نجم سیٹھی سے خوشگوارماحول میں بات چیت ہوئی۔ ٹیم کی قیادت سے استعفے کی پیشکش میں نے خود کی اس کے لئے مجھ پر کسی نے دبا ؤنہیں ڈالا، کپتانی چھوڑنے کا فیصلہ ورلڈٹی ٹونٹی میں ویسٹ انڈیز کے خلاف خراب کارکردگی کی وجہ سے کیا۔آخری میچ میں کھلاڑیوں نے اچھی کارکردگی نہیں دکھائی، ہم نے بہت بری کرکٹ کھیلی جس کی وجہ سے ہم ویسٹ انڈیز کے خلاف اہم میچ ہار گئے۔ محمد حفیظ نے کہا کہ میں نے ہمیشہ اپنی ذمہ داریوں سے انصاف کی شش کی ہے۔ قومی ٹیم میں بحیثیت کھلاڑی کسی کی بھی کپتانی میں کھیلنے کیلئے تیار ہوں اور بورڈ نے فیصلہ کرنا ہے کہ کسے کپتان بنانا ہے ۔میں کرکٹ بورڈ، آفیشلز، کھلاڑیوں، میڈیا اور مداحوں کا مشکور ہوں کہ انہوں نے دوران کپتانی مجھے سپورٹ کیا۔محمد حفیظ نے بتایا کہ انہوں نے ون ڈے اور ٹیسٹ کی نائب کپتانی سے بھی استعفیٰ دیدیا ہے ۔محمد حفیظ نے مزید کہا کہ مجھے امید ہے کہ مستقبل میں اچھے فیصلے ہوتے رہیں گے۔پاکستان کرکٹ ٹیم کیلئے بطورکھلاڑی کھیلتا رہوں گالیکن بورڈ میرے مستقبل میں جو بھی فیصلہ کرے گا مجھے قبول ہوگا۔انہوں نے ایک سوال کے جواب میں کہا کہ مجھے نہیں پتاٹیم کا پوسٹمارٹم کب شروع ہوگا، شکست کی ذمے دار پوری ٹیم ہے کسی ایک کو نہیں کہا جاسکتا۔دوسری طرف ہیڈ کوچ معین خان کا بھی کنٹریکٹ ختم ہو گیا ۔ میڈیا سے گفتگو کرتے ہوئے انہوں نے کہا کہ کرکٹ بورڈ کی صوابدید ہے کہ اب وہ مجھے رکھے یا نہ رکھے۔پاکستان کرکٹ ٹیم کے ساتھ میرا کنٹریکٹ ختم ہو گیا ہے۔ اب چیئرمین پاکستان کرکٹ بورڈ نجم سیٹھی جو فیصلہ کرینگے وہ قبول ہوگا۔ ان کا کہنا تھا کہ ٹی ٹونٹی ورلڈ کپ میں پاکستان کرکٹ ٹیم کی کارکردگی کسی بھی دوسری ٹیم سے بہتر تھی تاہم آخری میچ میں بری کارکردگی کی وجہ سے پاکستان ورلڈ کپ کی دوڑ سے باہر ہو گیا۔ ان کا کہنا تھا کہ اس میچ سے قبل تک میڈیا ان ہی کھلاڑیوں کی کارکردگی کی تعریفیں کر رہا تھا لیکن بعد میں یہی میڈیا ان کے خلاف باتیں کرنا شروع ہو گیا۔ میڈیا جن کھلاڑیوں کو ہیرو کہہ رہا تھا انھیں ہی زیرو کہنا شروع کر دیا۔ انہوں نے کہا کہ بلے بازوں سے غلطیاں ہوئی ہیں اور میں بر ملا کہتا ہوں کہ انہیں اپنی غلطیوں کو تسلیم کرنا چاہیے ۔ انہوں نے کہا کہ حفیظ کا فیصلہ لائق تحسین ہے اور اسے سراہا جانا چاہیے ۔حفیظ نے بورڈ کو موقع دیا ہے کہ مزید بہتری ہو سکتی ہے۔ انہوں نے مزید کہا کہ ٹیم میں ایک دو کھلاڑی تبدیل ہوتے ہیں سب کو ایک ساتھ نہیں نکالا جاتا۔ انہوں نے ایک سوال کے جوا ب میں کہا کہ بورڈ نے اگلے کپتان بارے پوچھا تو ضرور مشاورت دوں گا ۔لاہور میں شائع ہونے والی مزید خبریں
واسا لاہور کی ایک دن کی سب سے بڑی ریکوری، 13 کروڑ 20 لاکھ وصول کرلئے
وزیر ٹرانسپورٹ کا فٹنس سرٹیفیکٹ وروٹ پرمٹ میں تاخیر برتنے پر سخت نوٹس،آن لائن سسٹم کی بلاتعطل فراہمی ..
کمشنر لاہور کی زیر صدارت روٹی و نان کی قیمتوں کے نفاذ و گندم خریداری کے حوالے سے اجلاس
وزیر تعلیم کی ہدایت پر پنجاب کے حساس امتحانی سنٹرز میں سی سی ٹی وی کیمرے نصب کردیئے گئے
صوبے بھر سے ٹیکسوں کی مد میں ہدف پورا نہ کرنیوالے افسران کے خلاف کارروائی کی جائے گئی،مسعود مختار
وقتی فوائد کی بجائے پائیدار ی کی سوچ کو فروغ دینے کی ضرورت ہے، ڈاکٹر خالد محمود
پی ایچ ای سی کے زیر اہتمام قانون ،توہین مذہب وہماری سماجی ذمہ داریاں کے موضوع پر آگاہی سیمینار
چوہدری شافع سے چینی قونصل جنرل کی ملاقات،ٹیکنیکل ایجوکیشن ودیگر شعبوں میں تعاون بڑھانے پر اتفاق
حاجی عزیز الرحمن چن کی رہائش گاہ پر وویمن ونگ کی مرکزی صدر فریال تالپور کی 66ویں سالگرہ کی تقریب
پیسی ورکرز اور ان کے اہل خانہ کو مالی مراعات کی فراہمی میں سرگرم عمل ہے،نادیہ ثاقب
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
لاہور سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت