سینیٹر اقبال ظفر جھگڑا روبصحت ہیں ، ڈاکٹروں نے تین روز تک ہسپتال سے ڈسچار ج کرنے کا عندیہ دیا ہے ‘ترجمان

منگل 25 مارچ 2014 21:38

لاہور(اُردو پوائنٹ اخبار تازہ ترین۔25مارچ۔2014ء)پاکستان مسلم لیگ (ن) کے سیکرٹری جنرل سینیٹر اقبال ظفر جھگڑا تیزی سے رو بہ صحت ہیں، ڈاکٹروں نے ان کی حالت کو تسلی بخش قرار دیتے ہوئے انہیں آئندہ دو سے تین روز میں ڈسچارج کرنے کا عندیہ دیا ہے - مسلم لیگ (ن) کے ترجمان کے مطابق وزیر اعظم محمد نواز شریف نے ہیگ جاتے ہوئے راستے سے فون کر کے کہا ہے کہ وہ وطن واپسی پر خود بیمار پرسی کے لیے آئیں گے - وزیر اعلیٰ پنجاب محمد شہباز شریف ،گورنر سندھ ڈاکٹر عشرت العباد،گورنر خیبر پختونخواہ شوکت اللہ خان ،ایم کیو ایم کے قائد الطاف حسین سمیت دیگر نے ٹیلیفون پر انکی خیریت دریافت کی جبکہ پارٹی کے چیئرمین راجہ محمد ظفر الحق ، وفاقی وزیر خرم دستگیر ،سردار مہتاب احمد خان،پیر صابر شاہ،سپیکر پنجاب اسمبلی رانا محمد اقبال ،ڈاکٹر درشن،ڈاکٹر طارق فضل چوہدری ،انجم عقیل خان ،نیلسن عظیم،اریش کمار،ایم ڈی پی آئی اے،معروف سماجی شخصیت ڈاکٹر جمال ناصر ،سابق چیئرمین واپڈا شمس الملک اور اے این پی کے رہنما حاجی غلام احمد بلور سمیت دیگر نے انکی ہسپتال میں عیادت کی -