لاہور ہائیکورٹ،کالعدم تنظیم کے رہنماملک اسحاق کی دو ‘ دو لاکھ کے مچلکوں کے عوض ..
تازہ ترین : 1

لاہور ہائیکورٹ،کالعدم تنظیم کے رہنماملک اسحاق کی دو ‘ دو لاکھ کے مچلکوں کے عوض ضمانت منظور

لاہور(اُردو پوائنٹ اخبار تازہ ترین۔20مارچ۔2014ء)لاہور ہائیکورٹ کے دو رکنی بنچ نے اشتعال انگیز تقاریر پر درج مقدمے میں کالعدم تنظیم کے رہنماملک اسحاق کی دو ، دو لاکھ روپے کے مچلکوں کے عوض درخواست ضمانت پرمنظور کر لی ۔جمعرات کے روز معزز عدالت نے وکلاء کے دلائل سننے کے بعد فیصلہ محفوظ کر لیاتھا۔سماعت کے آغاز پر ملک اسحاق کے وکیل نے موقف اختیار کیا کہ پولیس نے بھکر میں تقریر کرنے پرپولیس کی مدعیت میں بلاجواز مقدمہ درج کرا دیا۔

پولیس کے پاس تقریر کے حوالے سے کوئی ثبوت موجود نہیں اورایک سال گزرنے کے باوجود اس مقدمے میں پولیس اہلکاروں کے علاوہ کوئی عام شہری بطور گواہ پیش نہیں ہو سکا۔سماعت کے دوران ڈپٹی پر اسیکیوٹر جنرل پنجاب نے موقف اپنایا کہ ملک اسحاق نے اشتعال انگیز تقاریر کیں جس پر نقص امن کے خدشے کے پیش نظر مقدمہ درج کر کے گرفتار کیا گیا اس لئے معزز عدالت سے استدعا ہے کہ درخواست ضمانت منسوخ کی جائے ۔عدالت نے وکلاء کے دلائل سننے کے بعد فیصلہ محفوظ کر لیا جو بعد ازاں سنایا گیا جس میں معزز عدالت نے دو ‘ دو لاکھ روپے کے مچلکوں کے عوض درخواست ضمانت منظور کرتے ہوئے ملک اسحاق کر رہا کرنے کے احکامات جاری کر دئیے ۔ ؎

وقت اشاعت : 20/03/2014 - 22:49:18

متعلقہ عنوان :

اپنی رائے کا اظہار کریں