نامور اداکار محبوب عالم کی بیسویں برسی کل منائی جائیگی
تازہ ترین : 1

نامور اداکار محبوب عالم کی بیسویں برسی کل منائی جائیگی

لاہور ( اُردو پوائنٹ تازہ ترین اخبار۔ 17مارچ 2014ء )ٹی وی کے نامور اداکار محبوب عالم کی بیسویں برسی آج ( منگل ) کو منائی جائے گی ۔ محبوب عالم کا شمار پی ٹی وی کے ورسٹائل اداکاروں میں ہوتا تھا جنہوں نے اپنی جاندار اداکاری سے اپنی پہچان بنائی ۔ محبوب عالم کو پی ٹی وی کے ڈرامہ سیریل ” وارث “ سے حقیقی معنوں میں شہرت ملی انہوں نے اس ڈرامہ سیریل میں چوہدری حشمت کے کردار میں حقیقت کے کردار کے قریب اداکاری کی اور آخری دم تک وہ چوہدری حشمت کے کردار کے طور پر پہچانے جاتے تھے ۔ محبوب عالم 18مارچ 1994ء کو اس دنیا فانی سے کوچ کر کے اپنے خالق حقیقی سے جا ملے تھے ۔

وقت اشاعت : 17/03/2014 - 12:50:38

اپنی رائے کا اظہار کریں