لاہور ،ایڈہاک نرسوں کو 3سالہ کنٹریکٹ دینے کا نوٹیفکیشن جاری،ایل جی ایچ اورمیوہسپتال کی نرسوں میں آرڈرز تقسیم ،تمام کنٹریکٹ نرسوں کو اگلے مرحلہ میں ریگولر کر دیا جائے گا‘ وزیراعلیٰ پنجاب کا حکم ہے کہ کسی نرس کوبیروزگار نہ کیا جائے‘ سلمان رفیق
اتوار 16 مارچ 2014 22:47
لاہور(اُردو پوائنٹ اخبار تازہ ترین۔16مارچ۔2014ء) مشیر وزیراعلیٰ پنجاب برائے صحت خواجہ سلمان رفیق نے کہا ہے کہ وزیراعلیٰ محمد شہبازشریف کا یہ واضح حکم ہے کہ کسی نرس کو بیروزگار نہ کیا جائے اور تمام ایڈہاک نرسوں کو ریگولر کرنے کے لئے کوئی قانونی راستہ نکالا جائے۔ وزیراعلیٰ کے حکم کے مطابق حکومت نے صوبے کے سرکاری ہسپتالوں میں کام کرنے والی 2800ایڈہاک نرسوں کو قانون کے مطابق 3سال کا کنٹریکٹ دے دیا ہے جس کے بعد انہیں ریگولر کر دیا جائے گا۔
انہوں نے یہ بات لاہور جنرل ہسپتال اور میوہسپتال میں ایڈہاک پر کام کرنے والی نرسوں کو 3 سالہ کنٹریکٹ کے آرڈر تقسیم کرنے کی تقریب سے خطاب کرتے ہوئے کہی۔ لاہور جنرل ہسپتال میں 67 نرسوں میں نوٹیفکیشن کی کاپیاں تقسیم کی گئیں۔(جاری ہے)
اس موقع پر پارلیمانی سیکرٹری صحت خواجہ عمران نذیر‘ سیکرٹری صحت بابر حیات تارڑ‘ ڈائریکٹر جنرل ہیلتھ ڈاکٹر زاہد پرویز‘ پرنسپل پی جی ایم آئی پروفیسر انجم حبیب وہرہ‘ ایم ایس ڈاکٹر غلام صابر اور دیگر افسران موجود تھے۔
خواجہ سلمان رفیق نے کہا کہ سروس رولز کے تحت ایڈہاک نرسوں کو براہ راست ریگولر نہیں کیا جا سکتا تھا جس کی وجہ سے محکمہ صحت نے دیگر متعلقہ محکموں سے مشاورت کے بعد درمیانی اور قانونی راستہ تلاش کیا ہے جس میں چند دن لگ گئے۔ خواجہ سلمان رفیق نے کہا کہ وزیراعلیٰ پنجاب اور ان کی پوری ٹیم کو دھرنا دینے والی بچیوں کے بارے میں سخت تشویش اور فکر تھی کیونکہ بچیاں قوم کی بیٹیاں ہیں۔ انہوں نے بتایا کہ ریگولر نرسوں کو اگلے گریڈ میں ترقی دینے کے لئے بھی 1500 آسامیاں پیدا کی جا رہی ہیں اور ان کے دیگر مسائل بھی حل کر دیئے گئے ہیں۔اس موقع پر پارلیمانی سیکرٹری صحت خواجہ عمران نذیر اور سیکرٹری صحت بابر حیات تارڑ نے بھی خطاب کیا۔ خواجہ عمران نذیر کا کہنا تھا کہ بہت عرق ریزی کے بعد نرسوں کو ریگولر کرنے کے لئے راستہ نکالاگیا ہے۔ انہوں نے کہا کہ تحریری نوٹیفکیشن کی تقسیم سے دھرنا دینے والی نرسوں کو یقین آ جائے گا کہ حکومت واقعی ان کو ریگولر کرنا چاہتی ہے۔ انہوں نے امید ظاہر کی کہ آرڈر وصول کرنے والی نرسیں اپنی دیگر ساتھیوں کو قائل کرنے میں کامیاب ہو جائیں گی۔ اس موقع پر جنرل ہسپتال کی ایک نرس سمیرا نے وزیراعلیٰ پنجاب محمد شہبازشریف کا شکریہ ادا کرتے ہوئے کہا کہ انہوں نے اپنا وعدہ پورا کرتے ہوئے ہمارے سروں پر لٹکتی ایڈہاک کی تلوار کو ہٹا دیا ہے۔بعد ازاں خواجہ سلمان رفیق اور خواجہ عمران نذیر نے میوہسپتال جا کر ایڈہاک پر کام کرنے والی نرسوں میں کنٹریکٹ ملازمت کے آرڈر تقسیم کئے جس پر نرسوں نے اظہار مسرت کیا اور سرکاری ٹیم کو مٹھائی بھی کھلائی۔ اس موقع پر سیکرٹری صحت بابر حیات تارڑ اور ڈی جی ہیلتھ ڈاکٹر زاہد پرویزنے بھی خطاب کیا۔متعلقہ عنوان :
لاہور میں شائع ہونے والی مزید خبریں
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
وزارت مذہبی امور کے زیر اہتمام عازمین حج کیلئے تربیتی پروگرام کا انعقاد
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
دیہی خواتین کی طرح خانہ بدوش خواتین میں نسوانی بیماریوں کی شرح زیادہ ہے تاہم انہیں آگاہی کی ضرورت ہے، ..
لیسکو کی جانب سے نادہندگان کے خلاف مہم جاری
اسسٹنٹ ڈائریکٹر اعجاز بخاری محکمہ جیل خانہ جات میں 41سال خدمات سر انجام دینے کے بعد ریٹائر ہو گئے
وزیر تعلیم پنجاب نے امتحانی شکایات سے آگاہی کیلئے واٹس ایپ نمبر جاری کر دیا
وزیرزراعت عاشق حسین کرمانی سے ڈائریکٹر سیلز ایشیا کن کمپنی سٹفین اوڈن کی ملاقات
بشریٰ بی بی اپنے بیڈ روم میں بیٹھ کر سزا پوری کر رہی ہیں ،فتنہ فساد پارٹی کو پروپیگنڈے کے علاوہ کوئی کام ..
چین کی آٹھ کمپنیاں نواز شریف آئی ٹی سٹی میں فوری طور پر کام کرنے کیلئے تیار، پاکستان کے پہلے آئی ٹی ..
کمشنر لاہور و چیئرمین لاہور بورڈ محمد علی رندھاوا کا امتحانی مراکز ہالز لارنس روڈ کا دورہ
جی سی یو میں بائیو سائنسز کے موضوع پر انٹرنیشنل کانفرنس کا انعقاد
لاہور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو