ملک اس وقت تک ترقی نہیں کر سکتا جب تک دہشت گردی کا خاتمہ نہیں ہوتا‘ گورنر پنجاب ،دہشت گردی اور انتہاپسندی کے خاتمے کے لئے تمام سیاسی اور مذہبی جماعتیں متفق ہیں جو کہ خوش آئند بات ہے،موجودہ حکومت اووسیر پاکستانیوں کو زیادہ سے زیادہ سہولیات فراہم کرنے کیلئے ہر ممکن اقدامات کو یقینی بنارہی ہے‘ چوہدری محمد سرور
پیر 10 مارچ 2014 20:53
لاہور (اُردو پوائنٹ اخبار تازہ ترین۔10مارچ۔2014ء) گو رنر پنجا ب چوہدری محمد سرور نے کہا ہے کہ ملک اس وقت تک ترقی نہیں کر سکتا جب تک دہشت گردی کا خاتمہ نہیں ہوتا،ہم نے اس جنگ میں اپنے پچاس ہزار بہن بھائیوں کی قربانیاں دی ہیں اور یہ بات بھی واضح ہے کہ دہشت گردی اور مذاکرات ساتھ ساتھ نہیں چل سکتے،دہشت گردی اور انتہاپسندی کے خاتمے کے لئے تمام سیاسی اور مذہبی جماعتیں متفق ہیں جو کہ خوش آئند بات ہے۔
ان خیالات کا اظہار انہوں نے سوموار کے روز مقامی ہوٹل لاہور میں مارکیٹنگ ایسوسی ایشن آف پاکستان کے زیراہتمام انٹرنیشنل مارکیٹنگ کانگرس مارکون کے حوالے سے منعقدہ دوروزہ افتتاحی تقریب کے موقع پر شرکاء سے خطاب کرتے ہوئے کیا۔ تقریب میں چیئرمین مارکون انٹرنیشنل خلیق الرحمان اور جنرل سیکرٹری مارکون سید عمران حسن بھی موجود تھے۔(جاری ہے)
گورنر پنجاب نے کہا کہ موجودہ حکومت ملک کو درپیش مسائل سے نکالنے کے لئے نہ صرف کوشاں ہے بلکہ بہت کم عرصے میں ملکی معیشت کو صحیح سمت پر ڈال دیا ہے۔
انہوں نے کہا کہ حکومت کی ان مدبرانہ پالیسیوں کی وجہ سے عالمی سطح پر بھی ملک کے وقار میں اضافہ ہوا ہے اور اب نہ صرف اوورسیز پاکستانی بلکہ بیرونی بزنس کمیونٹی بھی پاکستان میں سرمایہ کاری میں دلچسپی لے رہے ہیں۔ انہوں نے کہا کہ موجودہ حکومت اووسیر پاکستانیوں کو زیادہ سے زیادہ سہولیات فراہم کرنے کے لئے ہر ممکن اقدامات کو یقینی بنارہی ہے۔ گورنر نے کہا کہ اوورسیز پاکستانیوں کے تعاون سے ہم اپنے زرمبادلہ کو 15ارب تک بڑھا سکتے ہیں۔ گورنر نے کہا کہ ملک سے توانائی کا بحران موجودہ حکومت کی اولین ترجیح ہے اور اس پر بہت جلد قابو پالیا جائے گاکیونکہ اس مسلے کو حل کئے بغیر ہم جی ایس پی پلس سٹیٹس سے مکمل فائدہ حاصل نہیں کرسکتے۔ انہوں نے کہا کہ صنعتی شعبے کی ضروریات کو پورا کرنے کے لئے موٴثر اقدامات کئے جا رہے ہیں۔اس موقع پرگورنر پنجاب نے مارکیٹنگ ایسوسی ایشن آف پاکستان کی کارکردگی کو سراہتے ہوئے اس امر پر زور دیا کہ پاکستان مصنوعات اور خدمات کی تیزی سے افزائش پذیر مارکیٹ ہے اور جی ایس پلس سٹیٹس کی وجہ سے یورپ کی مارکیٹ تک رسائی مسابقت سے پرہے مگر انتہائی مثبت نتائج دے سکتی ہے۔ انہوں نے مزیدکہا کہ میپ بزنس کمیونٹی کے لئے مشعل راہ ثابت ہو سکتی ہے۔ قبل ازیں،تقریب سے خطاب کرتے ہوئے جنرل سیکرٹری مارکون سید عمران حسن نے ادارے کی کارکردگی پر روشنی ڈالی۔ تقریب میں پاکستان کے علاوہ بھارت، سنگاپور اور ملائشیا کے ماہرین بھی شریک تھے۔ بعد ازاں،گورنر پنجاب چوہدری محمد سرور نے گورنر ہاؤس لاہور میں آل پاکستان ڈاؤن سنڈروم ویلفیئر فاؤنڈیشن /الجلال ویلفیئر ٹرسٹ جہلم کے زیراہتمام ڈاؤن سنڈروم بچوں کے اعزاز میں منعقدہ تقریب سے خطاب کرتے ہوئے کہا کہ معاشرے وہی زندگی اور کامیابی کی علامت ہوتے ہیں جو اپنے مستحق،کمزور اور خصوصی بچوں کی فلاح و بہبود کو اولین ترجیح دیتے ہیں۔ انہوں نے کہا کہ خدمت انسانیت سے بڑھ کر کوئی کام نہیں اور معاشرے کے غریب اور نادار افراد کو زندگی کی خوشیوں میں شامل کرنا ہمارا دینی اور قومی فریضہ ہے۔ انہوں نے کہا معاشرے کے اس پسے ہوئے طبقے کو بنیادی سہولتیں فراہم کرنے سے نہ صرف ان کی مشکلات میں کمی کی جاسکتی ہے بلکہ ان کی بہتر تعلیم و تربیت کے ذریعے انہیں معاشرے کا کارآمد شہری بھی بنایا جا سکتا ہے۔ انہوں نے کہا کہ ہماری تھوڑی سے توجہ ان بچوں کو معاشرے کا مفید شہری بنا سکتی ہے۔ گورنر نے کہا کہ ایسے ادارے جو ان بچوں کی فلاح و بہبود اور ان کی تعلیم و تربیت کے لئے کام کر رہے ہیں حکومت ان کے مسائل کو حل کرنے کے لئے ہر ممکن اقدامات کو بروئے کار لائے گی۔تقریب میں الجلال ویلفیئر ٹرسٹ کے چیئر میں جلال اکبر ڈار نے ادارے کی کارکردگی کے بارے میں گورنر پنجاب کو آگاہ کیا۔ اس موقع پر گورنر پنجاب نے ادارے کی انتظامیہ اور اساتذہ اکرام میں شیلڈ بھی تقسیم کیں۔لاہور میں شائع ہونے والی مزید خبریں
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
وزارت مذہبی امور کے زیر اہتمام عازمین حج کیلئے تربیتی پروگرام کا انعقاد
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
دیہی خواتین کی طرح خانہ بدوش خواتین میں نسوانی بیماریوں کی شرح زیادہ ہے تاہم انہیں آگاہی کی ضرورت ہے، ..
لیسکو کی جانب سے نادہندگان کے خلاف مہم جاری
اسسٹنٹ ڈائریکٹر اعجاز بخاری محکمہ جیل خانہ جات میں 41سال خدمات سر انجام دینے کے بعد ریٹائر ہو گئے
وزیر تعلیم پنجاب نے امتحانی شکایات سے آگاہی کیلئے واٹس ایپ نمبر جاری کر دیا
وزیرزراعت عاشق حسین کرمانی سے ڈائریکٹر سیلز ایشیا کن کمپنی سٹفین اوڈن کی ملاقات
بشریٰ بی بی اپنے بیڈ روم میں بیٹھ کر سزا پوری کر رہی ہیں ،فتنہ فساد پارٹی کو پروپیگنڈے کے علاوہ کوئی کام ..
چین کی آٹھ کمپنیاں نواز شریف آئی ٹی سٹی میں فوری طور پر کام کرنے کیلئے تیار، پاکستان کے پہلے آئی ٹی ..
کمشنر لاہور و چیئرمین لاہور بورڈ محمد علی رندھاوا کا امتحانی مراکز ہالز لارنس روڈ کا دورہ
جی سی یو میں بائیو سائنسز کے موضوع پر انٹرنیشنل کانفرنس کا انعقاد
لاہور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو