حکومت دہشتگردوں کے ہاتھوں یرغمال بنی ہوئی ہے ، جرائم اور دہشتگردی کے مراکز ختم کیے بغیر ریاست کی عملداری کو قائم نہیں کیا جا سکتا ‘ ڈاکٹر فاروق ستار ،کراچی کے ایک چوتھائی حصے پر طالبان کا قبضہ ہے ، ہم پاکستان کے حکمرانوں اورپالیسی سازوں کی بے حسی کو بے نقاب کرنا چاہتے ہیں،طالبان سے مذاکرات میں پارلیمنٹ میں طے کردہ پالیسی کے مطابق فوج کے کردار کا تعین کیا جائے ، کوئی اپنی مرضی کا اسلام نافذ نہیں کر سکتا ،متحدہ قومی موومنٹ کے مرکزی رہنما کا لاہور پریس کلب میں ” میٹ دی پریس “ میں اظہار خیال
جمعہ 7 مارچ 2014 18:42
لاہور (اُردو پوائنٹ اخبار تازہ ترین۔7مارچ۔2014ء) متحدہ قومی موومنٹ کے مرکزی رہنما ڈاکٹر فاروق ستار نے کہا ہے کہ حکومت دہشت گردوں کے ہاتھوں یرغمال بنی ہوئی ہے ، جرائم اور دہشتگردی کے مراکز ختم کیے بغیر ریاست کی عملداری کو قائم نہیں کیا جا سکتا ،آج کراچی کے ایک چوتھائی حصے پر طالبان کا قبضہ ہے ، ہم پاکستان کے حکمرانوں اورپالیسی سازوں کی بے حسی کو بے نقاب کرنا چاہتے ہیں،طالبان سے مذاکرات میں پارلیمنٹ میں طے کردہ پالیسی کے مطابق فوج کے کردار کا تعین کیا جائے ، اگرکسی کو خوش فہمی ہے کہ اپنی مرضی کا اسلام نافذ کردے گا تو یہ اس کی غلط فہمی ہے۔
ان خیالات کا اظہار انہوں نے لاہور پریس کلب میں ” میٹ دی پریس “ میں اظہار خیال کرتے ہوئے کیا ۔ اس موقع پر ایم کیو ایم رابطہ کمیٹی کے اراکین فیصل سزواری ، رشید گوڈیل ، وسیم اختر ، واسع جلیل اور دیگر بھی موجود تھے ۔(جاری ہے)
ڈاکٹر فاروق ستار نے کہا کہ ایم کیو ایم کے اراکین اسمبلی لاہور میں موجود ہیں اور کل ( اتوار ) 9مارچ کو ہونے والی صوفیائے کرام کانفرنس کی تیاریوں میں مصروف ہیں ۔
صوفیائے کرام کانفرنس کا انعقاد ملک کی موجودہ صورتحال کے تناظرمیں کیا گیا ہے اور اس میں بزرگوں اور نوجوانوں سے اپیل ہے کہ کانفرنس میں بھرپور شرکت کریں۔ یہ کانفرنس ایم کیو ایم کا محض سیاسی ایجنڈا نہیں ہے بلکہ یہ پاکستان کی بقاء کا ایجنڈا ہے ۔ انہوں نے کہا کہ اسلام امن اور آشتی کا مذہب ہے ،پاکستان تمام مذاہب کے لوگوں کا ہے۔ اس عظیم مقصد کو منوں مٹی میں دبانے کی سازش کی جارہی ہے لیکن ہم کسی ایسی مضموم سازش کو کامیاب نہیں ہونے دیں گے ۔ انہوں نے کہا کہ کئی وزراء اس بات کا اعتراف کر چکے ہیں کہ ملک کے کئی علاقوں میں حکومتی رٹ نہیں ہے اور ریاست کے اندر ریاست قائم ہو چکی ہے ۔ ہماری خواہش ہے کہ پاکستان کو صحیح معائنوں میں قائد اعظم کا پاکستان بنائیں ۔ ڈاکٹر فاروق ستار نے کہا ہے کہ سندھ میں پیپلز پارٹی کی بری حکمرانی ہے جس کی مثال تھرکی صورتحال ہے، جہاں بھوک و افلاس کا عفریت سو سے زائد بچوں کی جانیں لے چکا ہے۔بھوک کا عفریت دہشتگردی کے عفریت سے کم خطرناک نہیں ہے ۔ لیکن غربت سے تنگ آکر ریاست کو چیلنج کرنا کسی بھی طرح سے درست نہیں ہے ۔ انہوں نے کہا کہ ملک دہشت گردوں کے ہاتھوں یرغمال بن چکا ہے ، قومی سلامتی کے نام پر مذہب کا استحصال کیا جا رہا ہے ۔ طالبان سے مذاکرات میں پارلیمنٹ میں طے کردہ پالیسی کے مطابق فوج کے کردار کا تعین کیا جائے ، اگرکسی کو خوش فہمی ہے کہ اپنی مرضی کا اسلام نافذ کردے گا تو یہ اس کی غلط فہمی ہے۔ اسلام تلوار سے نہیں پیغام سے پھیلاہے۔ انہوں نے کہا کہ سیاستدان اپنی سہولت کے لئے طالبان سے مذاکراتی عمل کو کنفیوژ کر رہے ہیں اور صرف پنے ووٹ بینک کی خاطر ریاست کو چیلنج کرنے والوں کو ریاست کے برابر لا کر کھڑا کر دیا گیا ہے ۔ انہوں نے کہا کہ مذاکرات یا آپریشن کی آپشن دے کر قوم کو پریشان کیا جا رہا ہے جو کہ پوری قوم کے ساتھ ایک مذاق ہے ۔ جب تک جرائم اور دہشتگردی کے مراکز ختم نہیں کیے جائیں گے اس وقت تک ریاست کی عملداری کو قائم نہیں کیا جا سکتا ۔ انہوں نے کہا کہ سال 2001ء سے لے کر 2007تک کراچی پرامن تھا لیکن آج کراچی کے ایک چوتھائی حصے پر طالبان کا قبضہ ہے ۔ ضرورت اس امر کی ہے کہ اسی پالیسی پر پھر سے عمل پیرا ہوا جائے ۔ کراچی میں جاری آپریشن کی نگرانی غیر جانبدارانہ طور پر کی جائے ۔لاہور میں شائع ہونے والی مزید خبریں
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
وزارت مذہبی امور کے زیر اہتمام عازمین حج کیلئے تربیتی پروگرام کا انعقاد
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
دیہی خواتین کی طرح خانہ بدوش خواتین میں نسوانی بیماریوں کی شرح زیادہ ہے تاہم انہیں آگاہی کی ضرورت ہے، ..
لیسکو کی جانب سے نادہندگان کے خلاف مہم جاری
اسسٹنٹ ڈائریکٹر اعجاز بخاری محکمہ جیل خانہ جات میں 41سال خدمات سر انجام دینے کے بعد ریٹائر ہو گئے
وزیر تعلیم پنجاب نے امتحانی شکایات سے آگاہی کیلئے واٹس ایپ نمبر جاری کر دیا
وزیرزراعت عاشق حسین کرمانی سے ڈائریکٹر سیلز ایشیا کن کمپنی سٹفین اوڈن کی ملاقات
بشریٰ بی بی اپنے بیڈ روم میں بیٹھ کر سزا پوری کر رہی ہیں ،فتنہ فساد پارٹی کو پروپیگنڈے کے علاوہ کوئی کام ..
چین کی آٹھ کمپنیاں نواز شریف آئی ٹی سٹی میں فوری طور پر کام کرنے کیلئے تیار، پاکستان کے پہلے آئی ٹی ..
کمشنر لاہور و چیئرمین لاہور بورڈ محمد علی رندھاوا کا امتحانی مراکز ہالز لارنس روڈ کا دورہ
جی سی یو میں بائیو سائنسز کے موضوع پر انٹرنیشنل کانفرنس کا انعقاد
لاہور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو