پی سی بی ٹیلنٹ ہنٹ پروگرام کے سلسلے میں لاہور ریجن کے انڈر 16کھلاڑیوں کے ٹرائلز ..
تازہ ترین : 1

پی سی بی ٹیلنٹ ہنٹ پروگرام کے سلسلے میں لاہور ریجن کے انڈر 16کھلاڑیوں کے ٹرائلز شروع

لاہور(اُردو پوائنٹ تازہ ترین اخبار۔ 24فروری 2014ء)پاکستان کرکٹ بورڈٹیلنٹ ہنٹ پروگرام کے سلسلے میں لاہور ریجن کے انڈر 16کھلاڑیوں کے ٹرائلز شروع ہوگئے ۔ ایل سی سی اے کی عبوری کمیٹی کی زیر نگرانی ہونے والے تین روزہ ٹرائلز 24فروری سے 26فروری تک جاری رہیں گے ۔ اس سلسلہ میں نارتھ زون کے ٹرائلز ایل سی سی اے گرانڈ ، ایسٹ زون کے ٹرائلز اتفاق گراؤنڈ جبکہ ویسٹ زون کے ٹرائلز سٹیگ کرکٹ گرانڈ ماڈل ٹان میں لئے جائیں گے ۔

نارتھ زون کے ٹرائلز کی سلیکشن کمیٹی میں سعود احمد خان اور طاہر محمود ، ایسٹ زون کی سلیکشن کمیٹی میں بلال احمد اور اعجاز شاہ جبکہ ویسٹ زون کے ٹرائلز کے لئے سلیکشن کمیٹی کامران خان اور ملک شکیل اختر پر مشتمل ہو گی ۔ واضح رہے کہ ٹرائلز پہلے 6فروری سے 9فروری تک شیڈول تھے جو بارشوں کی وجہ سے ملتوی کردئیے گئے تھے ۔

وقت اشاعت : 24/02/2014 - 14:16:25

متعلقہ عنوان :

اپنی رائے کا اظہار کریں