حکومت نے مذاکرات کے دروازے بند نہیں کیے لیکن دہشتگردی اور مذاکرات ساتھ ساتھ نہیں چل سکتے ‘ گورنر پنجاب ،اَمن کے بغیر ہم ترقی نہیں کر سکتے ،کوئی کتنا بھی طاقتور کیوں نہ ہو اسے عوام کے قتل و غارت کی اجازت نہیں دی جاسکتی،جو لوگ یہ کہتے ہیں اسلام تلوار کے زور پر پھیلا میں اس سے اتفاق نہیں کرتا ہوں‘ چوہدری محمد سرور کا نظریہ پاکستان کانفرنس سے خطاب
ہفتہ 22 فروری 2014 22:33
لاہور (اُردو پوائنٹ اخبار تازہ ترین۔22 فروری ۔2014ء) گورنر پنجاب چوہدری محمد سرور نے کہا ہے کہ اس وقت پاکستان مشکل ترین صورتحال سے گزر رہا ہے،ضرورت اس امر کی ہے کہ تمام سیاسی و مذہبی جماعتوں کو ایک سوچ و فکر کے ساتھ متحد ہوکر ملک و قوم کی بقاء کے لئے دہشتگردی کے خلاف کمربستہ ہونا پڑے گا، کوئی کتنا بھی طاقتور کیوں نہ ہو اسے عوام کے قتل و غارت کی اجازت نہیں دی جاسکتی، حکومت نے مذاکرات کے دروازے بند نہیں کیے ،لیکن دہشتگردی اور مذاکرات ساتھ ساتھ نہیں چل سکتے ہیں یہ پوری قوم کی آواز ہے ان خیالات کا اظہار انہوں نے ہفتہ کے روز یہاں ایوان کارکنان تحریک پاکستان لاہور میں چھٹی سالانہ سہ روزہ نظریہٴ پاکستان کانفرنس کے شرکاء سے خطاب کرتے ہوئے کیا۔
تقریب سے ممبر قومی اسمبلی و نظریہٴ پاکستان ٹرسٹ کی وائس چیئر پرسن بیگم مجیدہ وائیں ن،صوبائی وزیر تعلیم رانا مشہود احمد خان،سابق وفاقی وزیر قانون ایس ایم ظفر،ممتاز مسلم لیگی رہنما خان غلام دستگیر خان نے بھی خطاب کیا۔(جاری ہے)
گورنر پنجاب نے کہا کہ پاکستان کی تمام بڑی جماعتیں اس بات پر متفق ہیں کہ طالبان کے ساتھ مذاکرات کیے جائیں تاکہ صلح صفائی سے معاملات حل ہوں لیکن بدقسمتی سے یہ مذاکرات صحیح سمت میں کامیاب نہیں ہو رہے ۔
انہوں نے کہا کہ حکومت نے ابھی مذاکرات کا دروازہ بند نہیں کیا اور نہ ہی وزیر اعظم پاکستان میاں محمد نواز شریف نے اس کا باضابطہ اعلان کیا ہے۔گورنر نے کہا کہ ہماری بہادر افواج میں اندرونی وبیرونی خطرات کا مقابلہ کرنے کی سکت موجود ہے۔انہوں نے کہا کہ میری اللہ تعالیٰ سے دعا ہے کہ ہمارے وطن عزیز میں امن قائم ہو کیونکہ اَمن کے بغیر ہم ترقی نہیں کر سکتے ۔گورنر پنجاب نے کہا کہ اسلام ہمیں امن و سلامتی کا درس دیتا ہے ،قرآنی اصولوں پر عمل اور نبی کریمﷺ کے نقش قدم پر چل کر ہی ہمارے تمام مسائل حل ہو سکتے ہیں۔نبی کریمﷺ رحمت للعالمین ہیں اور آپ کو تمام جہانوں کیلئے رحمت بنا کر بھیجا گیا۔آپ کی امت میں آنے کیلئے انبیائے کرام دعائیں کیا کرتے تھے۔انہوں نے کہا کہ اسلام کے نام پر قتل و غارت نبی کریم کا پیغام نہیں ہے بلکہ آپ نے تو اپنے بدترین دشمنوں کو بھی معاف فرمادیا تھا۔گورنر نے کہا کہ جو لوگ یہ کہتے ہیں کہ اسلام تلوار کے زور پر پھیلا میں اس سے اتفاق نہیں کرتا ہوں۔انہوں نے کہا ہمارے پچاس ہزار افراد دہشت گردی کی نظر ہو چکے ہیں۔گورنر پنجاب نے کہا کہ ہمیں تعلیم کے شعبے میں خصوصی توجہ دینا ہو گی اور اس حوالے سے موجودہ حکومت نے تعلیمی بجٹ2فیصد سے بڑھا کر4فیصد کردیا ہے اور آئندہ چند ماہ میں پنجاب کے تمام سکولوں میں بنیادی سہولیات کی فراہمی کو یقینی بنانے کے لئے پنجاب حکومت ہر ممکن اقدامات کر رہی ہے۔لاہور میں شائع ہونے والی مزید خبریں
لاہور ، سی ٹی او کے بارش ونکاسی آب کا جائزہ لینے کیلئے شہر کی مختلف شاہراہوں کے دورے
سود، اللہ اوررسول ﷺ کے خلاف جنگ ہے۔ اس کو ختم کیے بغیرملکی معیشت بہترنہیں ہو سکتی : شجاع الدین شیخ
لاہورہائی کورٹ میں سموگ کے تدارک کیلئے دائر درخواستوں پرسماعت آئندہ ہفتے تک ملتوی
لاہور پولیس نے رواں سال اب تک 1213سرچ اینڈ کومبنگ آپریشنز کئے :بلال صدیق کمیانہ
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
ڈاکٹر محمد طاہرالقادری کا میاں زاہد اسلام ومیاں شاہد اسلام کی والدہ کے انتقال پر اظہار افسوس
وزیراعلیٰ مریم نوازشریف سے ہالینڈ کی سفیرمسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت ..
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد ..
ویڈیو گیمنگ سنٹر ، انٹرٹینمنٹ ایرینا، باکسنگ اور فٹ بال اکیڈمی قائم کرنے کا اصولی فیصلہ،وزیر اعلیٰ ..
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
اووربلنگ کیس میں ڈسچارج کرنے کیخلاف درخواست پر ایکسیئن شاہ پور را کو نوٹس جاری
فیک نیوز اور افواہوں کے تدارک کیلئے سوشل میڈیا اکاؤنٹ قائم
لاہور سے متعلقہ
پاکستان کی تازہ ترین خبریں
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
اوپن یونیورسٹی نے داخلوں کی تاریخ میں 15مئی تک توسیع کردی
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
ایف بی آرکا ٹریک اینڈ ٹریس سسٹم ناکام
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ