عدالت کا ریمنڈ ڈیوس کیس میں مقتول فہیم کے ورثا ء کو دیت دینے کا حکم
تازہ ترین : 1

عدالت کا ریمنڈ ڈیوس کیس میں مقتول فہیم کے ورثا ء کو دیت دینے کا حکم

لاہور( اُردو پوائنٹ تازہ ترین اخبار۔ 19فروری 2014ء)سیشن عدالت لاہور نے امریکی جاسوس ریمنڈ ڈیوس کیس میں مقتول فہیم کے ورثا ء کو دیت دینے کا حکم جاری کر دیا۔بدھ کے روز ایڈیشنل سیشن جج اکمل خان نے کیس کی سماعت شروع کی تو عدالت کے روبرو مقتول فہیم کی والدہ مسرت بی بی نے موقف اختیار کیا کہ امریکی جاسوس ریمنڈ ڈیوس کے ہاتھوں قتل ہونے والے تمام افراد کو دیت کی ادائیگی ہو چکی ہے لیکن فہیم کی دیت ابھی تک ادا نہیں کی گئی جبکہ فہیم کی اہلیہ بھی انتقال کر چکی ہے۔لہٰذاعدالت انصاف فراہم کرے۔عدالت نے فیصلہ سناتے ہوئے مقتول کی والدہ مسرت بی بی کو دیت دینے کا پنجاب حکومت کو حکم جاری کرتے ہوئے عملدرآمد کی رپورٹ آئندہ سماعت پر عدالت میں جمع کروانے کی ہدایت کر دی ۔

مزید متعلقہ خبریں پڑھئیے‎ :

وقت اشاعت : 19/02/2014 - 13:24:48

متعلقہ عنوان :

اپنی رائے کا اظہار کریں