بگ تھری معاملے پر ایک ماہ میں حکمت عملی تیار کرلیں گے، نجم سیٹھی
تازہ ترین : 1
بگ تھری معاملے پر ایک ماہ میں حکمت عملی تیار کرلیں گے، نجم سیٹھی

بگ تھری معاملے پر ایک ماہ میں حکمت عملی تیار کرلیں گے، نجم سیٹھی

لاہور(اُردو پوائنٹ تازہ ترین اخبار۔ 17فروری 2014ء)پاکستان کرکٹ بورڈ کے چیئرمین نجم سیٹھی نے کہا ہے کہ بگ تھری کے معاملے پر حکمت عملی تیار کرنے کے لئے ان کے پاس ایک ماہ ہے اور اس سلسلے میں بورڈ کے سابق سربراہان سے مشاورت کی جارہی ہے۔لاہور میں سابق چیئرمین پی سی بی توقیر ضیا کے ہمراہ میڈیا سے بات کرتے ہوئے نجم سیٹھی نے کہا کہ پاکستان کے مفاد کے لئے ہم سب ایک ہی سوچ رکھتے ہیں، ہم کرکٹ کی بہتری اور ملکی وقار کے لئے سب سے مشورے کریں گے، اس سلسلے میں کرکٹ بورڈ سابق سربراہان سےمشاورت کی جارہی ہے اور توقیر ضیا سے ملاقات کی اسی سلسلے کی کڑی ہے۔

انہوں نے کہا ہے کہ بگ تھری کےمعاملے پرحکمت عملی بنانےکے لئے پاکستان کے پاس ایک ماہ کاوقت ہے اور وہ مختلف بورڈز سے بات چیت کے لئے لائحہ عمل تیار کررہے ہیں تاہم وہ ابھی اس سل؛سلے میں مزید کوئی بات نہیں کرسکتے۔اس موقع پر توقیر ضیا کا کہنا تھا کہ پاکستان کرکٹ پر پچھلے 10سال سے مشکل دوراہے پر کھڑی ہے لیکن پاکستان کوکرکٹ سےکوئی نہیں نکال سکتا تاہم کوئی ایساقدم نہیں اٹھاناچاہتےجس سےپاکستان کونقصان ہو، وہ سمجھتے ہیں کہ کوئی بھی پی سی بی کا چیئرمین بنےاسےمعاملات کے حل کے لئے مکمل وقت دیا جائے، نجم سیٹھی قابل آدمی ہیں،ان کی قابلیت پرکوئی شک نہیں پھر نجانے کیوں انہوں نے چیئرمین کی ذمہ داری کیوں لی۔

مزید متعلقہ خبریں پڑھئیے‎ :

وقت اشاعت : 17/02/2014 - 14:26:13

متعلقہ عنوان :

اپنی رائے کا اظہار کریں