شہبازشریف نے لاہور کا نقشہ بدل دیا ،انکی مثالی کارکردگی دو سرے صوبوں کے وزرائے اعلیٰ کے لیے قابل تقلید ہے ،صدر ممنون حسین،صدر ممنون حسین نے آمریت کے تاریک دنوں اور تاریک راتوں کے دوران جرات اور بہادری کا کردارادا کیا ،شہبازشریف،آمریت کے خاتمے کی جدوجہد اورجمہوریت کے استحکام میں عوام اور سیاسی کارکنوں نے جو کردار اداکیا وہ تاریخ کا سنہری باب ہے،وزیراعلیٰ کا صدر مملکت کے اعزاز میں عشائیہ،سپیکر قومی اسمبلی،گورنر پنجاب ،سپیکر پنجاب اسمبلی ،اراکین اسمبلی اور اعلی حکام کی شرکت
پیر 10 فروری 2014 22:59
لاہور(اُردو پوائنٹ اخبار تازہ ترین۔10 فروری ۔2014ء) وزیراعلی محمد شہبازشریف نے کہا ہے کہ صدر مملکت سید ممنون حسین کی لاہور آمد پر پنجاب کابینہ ،اراکین اسمبلی اور پنجاب کے عوام کی جانب سے ان کا خیر مقدم کرتے ہیں،صدر مملکت کا عہدہ وفاق پاکستان کے اتحاد اور ہم آہنگی کی علامت ہے،آمریت کے خاتمے کی جدوجہد اورجمہوریت کے استحکام میں عوام اور سیاسی کارکنوں نے جو کردار اداکیا وہ تاریخ کا سنہری باب ہے ،صدر ممنون حسین نے آمریت کے تاریک دنوں اور تاریک راتوں کے دوران جرات اور بہادری کا کردارادا کیا ۔
ایوان صدرمیں ممنون حسین جیسی بہادر شخصیت کا ہونا تازہ ہوا کا جھونکا ہے۔ صدر ممنون حسین نے اپنے عمل سے جمہوری اقتدار کی پاسبانی کی اعلی مثال قائم کی ۔وزیراعلیٰ محمد شہباز شریف نے ان خیالات کااظہارایوان وزیراعلی میں صدر مملکت سید ممنون حسین کے اعزاز میں منعقدہ تقریب سے خطاب کرتے ہوئے کیا ۔(جاری ہے)
سپیکر قومی اسمبلی سردار ایاز صادق،گورنر پنجاب چوہدری محمد سرور،سپیکر پنجاب اسمبلی رانا محمد اقبال،صوبائی وزراء،اراکین قومی و صوبائی اسمبلی اور پنجاب کے اعلیٰ حکام بھی اس موقع پر موجود تھے ۔
وزیراعلی محمد شہباز شریف نے تقریب سے خطاب کرتے ہوئے کہا کہ صدر مملکت سید ممنون حسین عہدہ سنبھانے کے لیے بعد پہلی بار پنجاب کے دل لاہور آئے ہیں۔لاہورپاکستان کا تہذیبی اور تاریخی مرکز ہے۔جمہوری عمل کے تسلسل کو یقینی بنانے میں سیاسی جماعتوں، میڈیا،سیاسی کارکنوں اورزندگی کے دیگر طبقات کا کردارقابل تعریف رہا ہے ۔ہماری خوش قسمتی ہے کہ صدر ممنون حسین جیسی شخصیت ایوان صدر میں موجودہے جنہوں نے ملک میں جمہوریت کے لیے بھر پور جدوجہد کی ہے اورآمریت کے جبر کے سامنے ڈٹ کر کھڑے رہے ہیں۔انہوں نے کہا کہ پنجاب حکومت نے صوبے میں یوتھ فیسٹیول کا آغاز کیا ہے ۔چیلنجز اور مشکلات کے باوجود نوجوانوں کو کھیلوں کی سرگرمیوں کے لیے بہترین ماحول فراہم کیاجارہا ہے اوریوتھ فیسٹیول کو زبر دست پذیرائی مل رہی ہے ۔پاکستان سمیت دنیا کے بہت سے ممالک سے ٹیمیں یوتھ فیسٹیول میں حصہ لے رہی ہے ۔مجھے آپ کی ٹیم ممبر کی حیثیت سے چین کے دورہ کا موقع مل رہا ہے ۔میرا پختہ یقین ہے کہ صدر مملکت پاکستان کی ترقی، امن کے قیام اور ملک کا نام روشن کرنے میں اپنا بھر پور کردارادا کریں گے ۔ذہنی انتشار ،باہمی کشیدگی اور انتہا پسندی کے دور میں واصف علی واصف جیسی روحانی شخصیات کی تعلیمات عام کرنے کی ضرورت ہے ۔اس موقع پر خطاب کرتے ہوئے صدر سید ممنون حسین نے کہا کہ مجھے لاہور آ کر انتہائی مسرت ہوئی ہے ۔شہبازشریف نے لاہور کا نقشہ بدل دیا ہے ۔پورے ملک میں ان کی کارکردگی کی مثالیں دی جارہی ہیں ۔شہبازشریف کی مثالی کارکردگی دو سرے صوبوں کے وزرائے اعلیٰ کے لیے قابل تقلید ہے ۔تعلیم،صحت ،امن وامان اوردیگر فلاحی منصوبوں پر شہباز شریف کو خراج تحسین پیش کرتا ہوں ۔انہوں نے کہا کہ شہباز شریف نے میٹروبس کا منصوبہ ریکارڈ مدت میں مکمل کیا ہے ۔امید ہے کہ شہباز شریف کی قیادت میں پنجاب اور ترقی کرے گااوردوسرے صوبوں کے لیے مثال بنتا جائے گا۔ہر شخص اپنی ذمہ داری نبھائے تو ملک ترقی اور خوشحالی کی راہ پر گامزن ہوسکتا ہے ۔پاکستان کو جی ایس پی پلس کا درجہ دلانے پر گورنر چوہدری محمد سرور کی کاوشیں بھی لائق تحسین ہیں ۔ملک اللہ تعالیٰ کی نعمت ہے اور ہمیں مل کر اس کی حفاظت کرنی ہے ۔وزیراعظم محمد نواز شریف کی قیادت میں ملک مشکلات سے نکل کر ترقی اور خوشحالی کی راہ پر گامز ن ہوگا۔اراکین پنجاب اسمبلی کا شکرگزار ہوں جن کے ووٹ صدر مملکت کے عہدے پر پہنچانے میں میرے معاون ثابت ہوئے۔یوتھ فیسٹیول کے کسی تقریب میں جب بھی بلایا جائے گاحاضر ہو جاؤں گا۔تقریب سے گورنر پنجاب چوہدری محمد سرور نے بھی خطاب کیا۔ بعدازاں وزیراعلی نے صدر مملکت کے اعزاز میں عشائیہ بھی دیا ۔لاہور میں شائع ہونے والی مزید خبریں
وفاقی وزیر مواصلات عبدالعلیم خان کا سمبڑیال کھاریاں موٹروے کا دورہ، لاہور رنگ روڈ کی سدرن لوپ کا بھی ..
لاہور ، شالیمار باغ میں دو روزہ ثقافتی کھیلوں کے پروگرام کا انعقاد
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ..
پہلی وزیراعلیٰ پنجاب پنک گیمز 2024ء
لاہور پولیس کے زیرِانتظام کمپلینٹ سیل کے ذریعے شہریوں کومسلسل خدمات فراہم کی جا رہی ہیں
گندم کی خریداری ، جماعت اسلامی کے زیراہتمام پنجاب اسمبلی کے سامنے احتجاجی کیمپ
سیاسی جماعتیں، ادارے آئین کی تابعداری کیلئے تیار ہیں تو گریٹر ڈائیلاگ کا آغاز ہوسکتا ہی: حافظ نعیم ..
پہلی وزیراعلیٰ پنجاب پنک گیمز ،ہاکی فائنل میں گورنمنٹ کالج وومن یونیورسٹی اور سپیرئیر یونیورسٹی مدمقابل ..
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
دورہ آئرلینڈ اور انگلینڈ کیلئے قذافی سٹیڈیم میں قومی کرکٹ ٹیم کا مختصر ٹریننگ کیمپ شروع
روٹیشن کی وجہ سے ٹیم کا کمبی نیشن بن گیا ہے،ہمارا ٹارگٹ ورلڈ کپ جیتنا ہے‘پاکستان کرکٹ ٹیم
لاہور سے متعلقہ
پاکستان کی تازہ ترین خبریں
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف