پاکستان سُنی تحریک کے زیر اہتمام 5 فروری کو ملک گیر”یوم یکجہتی کشمیر“ کے طورپرمنایا گیا، لاہور پریس کلب کے باہر احتجاجی مظاہرہ
بدھ 5 فروری 2014 15:26
لاہور /اسلام آباد /کراچی /پشاور /کوئٹہ /مظفر آباد ( اُردو پوائنٹ تازہ ترین اخبار۔ 5 فروری 2014ء) پاکستان سُنی تحریک کے زیر اہتمام 5 فروری کو ملک گیر”یوم یکجہتی کشمیر“ کے طورپرمنایا گیا۔ اس سلسلے میں اسلام آباد،کراچی، راولپنڈی، لاہور، گوجرانوالہ، فیصل آباد،ملتان،پشاور، حیدرآباد،کوئٹہ اورمظفرآباد سمیت ملک کے تمام چھوٹے بڑے شہروں میں ریلیاں، کانفرنسیں اور سیمینارز منعقد کیئے گئے اورکشمیری حریت پسندوں کے ساتھ اظہار یکجہتی کے لیے انسانی ہاتھوں کی زنجیریں بنائی گیئں جبکہ کشمیری شہداء کی یاد میں دیے بھی روشن کئے گئے۔
جبکہ پاکستان سُنی تحریک کیزیرِ اہتمام لاہور پریس کلب کے باہر بہت بڑا احتجاجی مظاہرہ کیا گیا ۔ مظاہرین سے خطاب کرتے ہوئے ڈویژنل صدر مولانا مجاہد عبدالرسول خان نے کہا کہ پاکستان کی تکمیل کیلئے کشمیر کی آزادی ہمارے لئے زندگی اور موت کا مسئلہ ہے ۔(جاری ہے)
کشمیر کے بغیر پاکستان ناصرف ادھورا ہے بلکہ پاکستان کی بقا اور سا لمیت کشمیر کی آزادی کے ساتھ وابستہ ہے۔
کشمیری عوام نے بھارتی مظالم ،بربریت اور ریاستی دہشت گردی کے خلاف قربانیوں کی لازوال داستان رقم کی ہے ۔ایک لاکھ سے زائد کشمیری نوجوانوں نے اپنی جانوں کا نذرانہ پیش کرکے بھارت اور اقوام عالم کو یہ پیغام دیا ہے کہ وہ بھارت کی غلامی قبول کرنے کی بجائے عزت کی موت کو گلے لگانا اپنے لئے کامیابی سمجھتے ہیں ۔ قائد اعظم نے کشمیر کو پاکستان کی شہہ رگ قرار دیا مگر بدقسمتی سے پاکستان کی حکومتیں کشمیر سے حد درجے بے اعتنائی برت رہی ہیں۔پاکستانی حکمران بھارت کی بالادستی قبول کرکے اس سے دوستی کی پینگیں بڑھانے کیلئے کشمیر کے مسئلہ کو پس پشت ڈال چکے ہیں اور آلو پیاز کی تجارت اور اپنی چینی فروخت کرنے کیلئے کشمیریوں کی 66سالہ جدوجہد آزادی پر پانی پھیردیا ہے۔ ان حالات میں ضروری ہے کہ قوم اپنے اندر اتحاد و اتفاق اور یکجہتی پیدا کرے اور کشمیر کے قومی موقف کو اپنانے کے لیے حکمرانوں پر دباؤ بڑھائے ۔انہوں نے وزیر اعظم نواز شریف سے بھی خصوصی اپیل کی کہ بھارت کو پسندیدہ ترین ملک قرار دینے کے بجائے کشمیرکی آزادی اور پاکستان کے ساتھ الحاق کیلئے حکومتی سطح پر کردار ادا کریں۔ پاکستان کو مسئلہ کشمیر اجاگر کرنے کے لیے سفارتی سطح پر مزید ٹھوس اقدامات کرنے ہوں گے۔عالمی برادری تعصب ، جانبداری اور دوہرے معیارات چھوڑکر کشمیر کے ایک کروڑ 60 لاکھ انسانوں کا مسئلہ حل کرائے وگرنہ فلسطین اور کشمیر کے حل طلب مسائل پوری دنیا میں بدامنی اور عدم استحکام کا ذریعہ بنے رہیں گے ۔عالمی برادری بھارت پر دباوٴ ڈال کر کشمیریوں کو حق خودارادیت دلوائے۔ہرسال 5فروری کو یوم کشمیر منانا مثبت اقدام ہے لیکن اب ضرورت اس امر کی ہے کہ آگے بڑھ کر پرامن طور پر عالمی اداروں کو ثالث بنایا جائے اور کشمیر کے مقبوضہ علاقوں کو بھارتی تسلط سے نجات دلائی جائے۔اس موقع پر لاہور سٹی کے صدر سردار محمد طاہر ڈوگر، شیخ محمد نواز قادری، علامہ قاری ریاض ہزاروی، مفتی محمد حسیب عطاری، علامہ شیر محمد سیالوی، علامہ شفاقت قادری، علامہ رب نواز جلالی ، سمیت دیگر کارکنان نے بھرپور شرکت کی۔ اس موقع پر کارکنان بھارتی مظالم کے خلاف بھر پور نعرے بازی کر رہے تھے۔لاہور میں شائع ہونے والی مزید خبریں
امیر العظیم کی مالدیپ کے صدر محمد معیزو کو انکی جماعت کی پارلیمانی انتخابات میں کامیابی پر مبارکباد ..
ایران کے غزہ فلسطین پر جرات مندانہ مؤقف اور اقدام کی تحسین ،ڈاکٹر ابراہیم رئیسی کے دورہ پاکستان کا خیرمقدم ..
شہبازطالب کووفاقی وزیراطلاعات کا سٹاف آفیسرمقررکردیا گیا
پنجاب اسمبلی کا اجلاس تاخیر سے شروع ہونے کے خلاف قرارداد جمع
دانیال گیلانی تبدیل ،احمد عزیزتارڑ سیکرٹری اطلاعات پنجاب تعینات
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
پاکستان سمیت دنیا بھر میں کتابوں اور کاپی رائٹس کا عالمی دن منایا گیا
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا ..
پاکستان اور افغانستان کے درمیان باہمی تجارت کے فروغ کی بڑی گنجائش موجود ہے،ذکی اعجاز
آئندہ چوبیس گھنٹوں کے دوران لاہور سمیت پنجاب کے بیشترشہر وں میں موسم خشک اور گرم رہے گا،محکمہ موسمیات
پی آئی ٹی بی کے وضع کردہ ای بائیکس پورٹل کے ذریعے 1 لاکھ سے زائد طلبہ کی رجسٹریشن
لیسکو اور ایف آئی اے کے درمیان معاملات طے پا گئے
لاہور سے متعلقہ
پاکستان کی تازہ ترین خبریں
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
-
عوام نے نفرت اور تقسیم کا بیانیہ مسترد کر دیاہے ،خارجہ پالیسی کے خلاف باتیں کرنے والے ماضی کا قصہ بن چکے ہیں،وزیراطلاعات
-
پاکستان بزنس فورم کی ایگزیکٹو کمیٹی کا اجلاس
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں