پاکستان اور بھارت دو ایسے ممالک ہیں جہاں مستقبل قریب میں سیاسی منظر نامہ بدلتا ہوا نظر آ رہا ہے،رپورٹ
منگل 4 فروری 2014 14:16
لاہور( اُردو پوائنٹ تازہ ترین اخبار۔ 4 فروری 2014ء ) پاکستان اور بھارت دو ایسے ممالک ہیں جہاں مستقبل قریب میں سیاسی منظر نامہ بدلتا ہوا نظر آ رہا ہے،لوگ روایتی سیاست سے اکتانے لگے ہیں یا اس کی ایک وجہ یہ ہے کہ وہ زیادہ باشعور ہو گئے ہیں اور سیاسی نعرے بازی ، انتقامی کارروائیوں کو سمجھنے لگے ہیں۔دونوں ممالک میں نوجوان قیادت ابھرتی دکھائی دے رہی ہے جس کی پاکستان میں مثال بلاول بھٹو زرداری اور بھارت میں راہول گاندھی کو بھی دیا جا سکتا ہے جن کی خاندانوں کی سیاست جمہوریت کے لیے بے مثال قربانیاں ہیں۔
میڈیا رپورٹس کے مطابق 43سالہ کنوارے راہول گاندھی دو مرتبہ ہندوستانی وزیر اعظم رہنے والے راجیو گاندھی کے صاحبزادے اور سابقہ وزیر اعظم ِاندرا گاندھی کے پوتے ہیں۔(جاری ہے)
اتفاق کی بات ہے کہ دونوں سابق وزرائے اعظم کے حصے میں سیاسی موت آئی۔یہ بھی کہا جاتا ہے کہ ماضی کے واقعات کو دیکھتے ہوئے ہی کانگریس کی جانب سے انتخابات میں اکثریت حاصل کرنے کے باوجود ماضی میں نہ تو راہول گاندھی اور نہ ہی سونیا گاندھی کو وزیراعظم کے عہدے کے لئے چنا گیا۔
دوسری طرف پاکستان کی پہلی خاتون وزیراعظم بینظیر بھٹو کے ہاں پیدا ہونے والے پاکستان کے سابق وزیر اعظم ذوالفقار علی بھٹو کے نواسے بلاول بھٹو زرداری دسمبر 2007 میں طالبان کے ہاتھوں اپنی ماں کی ہلاکت کے بعد انیس سال کی عمر میں پاکستان پیپلز پارٹی کے شریک چیئرمین بنے۔آصف زرداری کی جانب سے بلاول زرداری کا نام تبدیل کرکے بلاول بھٹو زرداری کردیا گیا اور بلاول کی وطن واپسی پر پاکستان پیپلز پارٹی کا چیئرمین نامزد کیا گیا۔مضبوط خاندانی سیاسی پس منظر رکھنے دونوں نوجوان سیاستدان نہ صرف اپنے والد اور والدہ کو بلکہ اپنے اپنے نانا اور دادی کو بھی سیاست کے ہاتھوں گنوا چکے ہیں جس کے بعد ان دونوں کو بھی عسکریت پسندوں سے شدید خطرات لاحق ہیں۔ ان دونوں کے مابین نہ صرف اپنے پیاروں کو گنوانے کی تاریخ مشترک ہے بلکہ اس کے ساتھ ساتھ اور کچھ چیزیوں میں بھی مماثلت پائی جاتی ہے۔بی جے پی کی جانب سے کانگریس کے دور اقتدارکو ہندوستانی عوام کے لئے ایک مکمل ناکام دور گردانا جارہا ہے۔ اس کے علاوہ کانگریس کی جانب سے وزیر اعظم کے عہدے کے لئے من موہن سنگھ کا چناؤ بھی کانگریس پر نقطہ چینی کا باعث بنتا رہا ہے۔ شاید یہی وجہ ہے کہ کانگریس کی جانب سے آنے والے انتخابات کے لئے انتخابی مہم کا کپتان راہول گاندھی کو منتخب کیا گیا ہے۔ جو کہ گاندھی خاندان کے چشم و چراغ ہیں۔بھٹو خاندان کے نوجوان سیاست دان بلاول بھٹو زرداری کو بہترین تعلیم کے حصول کے لئے ایچی سن کالج لاہور میں داخل کروایا گیا۔ تاہم سکیورٹی وجوہات کی بِنا پر پہلے کراچی اور پھر اسلام آباد کے سکولوں میں زیر تعلیم رکھا گیا۔آکسفورڈ میں جدید تاریخ، برطانوی تاریخ اور جنرل تاریخ کی تعلیم حاصل کرنے کے بعد بلاول بھٹو جون 2010 میں وطن واپس آئے۔ تاہم ستمبر 2008 میں بلاول اپنے والد کی صدارتی تقریب حلف برداری میں شمولیت کے لئے بھی خصوصی طور پر پاکستان آئے۔انگلش نظام تعلیم اور معاشرے میں پروان چڑھنے والے دو نوجوان دو بڑے ممالک کی سیاست کو نئے رخ کی جانب موڑنے کی صلاحیت رکھتے ہیں،حال ہی میں بلاول بھٹو کی جانب سے سندھی ثقافت کے فروغ کے لیے ورسٹائل میلے کا انعقاد کیا گیا جس میں چکا چوند روشنیوں ،سندھی لباسوں میں ورسٹائل ڈانس نے سندھ ثقافت کو ایک نیا رخ دیا اگر زرداری سندھی ثقافت کے فروغ کے لیے تقریب منعقد کرتے تو یہ بالکل مختلف ہوتی دیکھنا ہو گا کہ نئی قیادت کے اقتدار میں آنے پر کس حد تک تبدیلی آئے گی۔لاہور میں شائع ہونے والی مزید خبریں
بلال یاسین روٹی کی سرکاری نرخوں پر دستیابی یقینی بنانے کیلئے میدان میں آگئے
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
روٹی ونان کی نوٹیفائیڈ قیمتوں پر فروخت یقینی بنانے کیلئے بلال یاسین کا مختلف علاقوں کا دورہ
برائلرگوشت کی قیمت 699 روپے فی کلو تک پہنچ گئی
مارچ میں گاڑیوں کی فروخت میں 38 فیصد تنزلی
دریائوں اور آبی ذخیروں میں پانی کی صورتحال
ایس آر او 350(1)2024کو واپس یا بیلنس شیٹ کی شرط ختم کی جائے ‘ ٹیکس ایڈوائزرز ایسوسی ایشن
چینی کارساز کمپنی چیری کا ٹیگو 8 کی قیمت میں بڑی کمی کا اعلان
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ ..
منشیات فروشوں کے خلاف کارروائیاں جاری، ملک بھر سے 10 لاکھ سے زائد کلو منشیات ضبط
پنجاب اسمبلی کے ملازم کی اسمبلی عمارت کی سے چھلانگ لگا کر خودکشی کی کوشش
جانوروں ، پرندوں کا کاروبار کرنے والے افراد کیلئے لائسنس بنوانے کیلئے 26 اپریل کی ڈیڈ لائن مقرر
لاہور سے متعلقہ
پاکستان کی تازہ ترین خبریں
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
برائلرگوشت کی قیمت 699 روپے فی کلو تک پہنچ گئی
-
دریائوں اور آبی ذخیروں میں پانی کی صورتحال
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
نومئی کے حملہ آور آج ملکی مفاد پر حملہ آور ہیں، عطاءاللہ تارڑ
-
پنجاب اسمبلی کے ملازم کی مبینہ خودکشی کی کوشش،اسمبلی کی عمارت سے چھلانگ لگا دی
-
’اسلام آباد کا کوئی پرسانِ حال نہیں‘ چیف جسٹس عامر فاروق کا اظہار برہمی
-
لاہور ہائیکورٹ نے جلسوں کی اجازت کیلئے تحریک انصاف کی درخواست ڈپٹی کمشنر لاہور کو بھجوا دی
-
ملک بھر میں زائد المیعاد شناختی کارڈز پر جاری موبائل سمز بند کرنے کا حکم