پنجاب کابینہ نے فیصل آباد، ملتان اور راولپنڈی میں میڑو بس منصوبے کی منظوری دیدی
تازہ ترین : 1
پنجاب کابینہ نے فیصل آباد، ملتان اور راولپنڈی میں میڑو بس منصوبے کی ..

پنجاب کابینہ نے فیصل آباد، ملتان اور راولپنڈی میں میڑو بس منصوبے کی منظوری دیدی

لاہور(اُردو پوائنٹ تازہ ترین اخبار۔ 1 فروری 2014ء) پنجاب کابینہ نے فیصل آباد، ملتان اور راولپنڈی میں میٹرو بس سروس کے منصوبے کی باقاعدہ منظوری دے دی ہے۔ذرائع کے مطابق وزیراعلی پنجاب شہباز شریف کی زیر صدارت لاہور میں ہونے والے پنجاب کابینہ کے اجلاس میں فیصل آباد، ملتان اور راولپنڈی میں بھی لاہور کی طرز پر میٹرو بس سروس شروع کرنے کے منصوبے کی باقاعدہ منظوری دے دی ہے جس کے بعد منصوبے کو عملی جامہ پہنانے کے لئے متعلقہ کمپنیوں کو سمریاں بھجوائی جائیں گی۔

اجلاس کے دوران پنجاب میں لینڈ ریکارڈ کے نظام کو کمپیوٹرائز بنانے کے حوالے سے ہونے والی پیش رفت کا جائزہ بھی لیا گیا۔ واضح رہے کہ وزیراعلی پنجاب شہباز شریف نے چند روز قبل وزیراعظم نواز شریف کو بھی راولپنڈی اسلام آباد میں میٹروبس سروس کے منصوبے کے بارے میں بریفنگ دی تھی۔ اس کے علاوہ شہباز شریف نے مئی 2013 کے عام انتخابات کی انتخابی مہم کے دوران جنوبی پنجاب سمیت صوبے کے مختلف شہروں میں لاہور کی طرز پر میٹرو بس سروس کے منصوبے بنانے کا وعدہ کیا تھا۔

وقت اشاعت : 01/02/2014 - 11:55:17

متعلقہ عنوان :

قارئین کی رائے :

اپنی رائے کا اظہار کریں