شہری دُھند میں محفوظ سفرکیلئے فوگ لائیٹس کا استعمال، اوورٹیکنگ اور تیز رفتاری ..
تازہ ترین : 1

شہری دُھند میں محفوظ سفرکیلئے فوگ لائیٹس کا استعمال، اوورٹیکنگ اور تیز رفتاری سے اجتناب کریں‘ سی ٹی او لاہور

لاہور(اُردو پوائنٹ تازہ ترین اخبار۔ 31جنوری 2014ء)چیف ٹریفک آفیسر لاہور سہیل چوہدری نے کہاکہ شہری دھندلے موسم میں محفوظ سفر کیلئے فوگ لائٹس کا استعمال کریں تاکہ سامنے سے آنے والی ٹریفک کو دیکھنے میں دقت نہ ہو، شہری دھند میں اگلی گاڑی سے مناسب فاصلہ رکھتے ہوئے گاڑی چلائیں اورگہری دھند ہونے پر گاڑی کے چاروں انڈیکیٹرزکو چلائے رکھیں،گاڑی کے سائیڈ شیشوں کو مکمل طور پر بند نہ کریں تاکہ فرنٹ سکرین اورسائیڈ ونڈوزپر اوس جمنے نہ پائے ،شہری اپنی حفاظت کیلئے گاڑی کی ونڈسکرین سے ہاتھ اور سر ہر گز باہر مت نکالیں،دھند میں گاڑی کو روڈ پر پارک نہ کیا جائے،سائیڈ پر گاڑی پارک کریں اورگاڑی کے انڈیکیٹرزآن رکھیں، دھند میں شہری اوور ٹیک کرنے سے اجتناب کریں۔

سہیل چوہدری نے کہاکہ دھندلے موسم اور رات کے وقت حادثات کی ایک بڑی وجہ گاڑیوں کی بیک لائٹس کادرست حالت میں نہ ہونا اور لوڈر گاڑیوں کے پیچھے ریفلیکٹرز کا نہ ہونا ہے۔ سریا،ٹی آئرن،چارہ بھوسہ،ریت و بجری اور دیگر لوڈرگاڑیوں کے پیچھے مناسب لائیٹس اور ریفلیکٹر ز نہ ہونے پر ایسی گاڑیوں کیخلاف کاروائی کی جائے۔انہوں نے ڈی ایس پی صاحبان کو ہدایت کی کہ وہ ایسی گاڑیوں کے ڈرائیورز اور مالکان کوتنبیہ کریں کہ وہ اپنی گاڑیوں کے پیچھے مناسب لائیٹس اور ریفلیکٹر ز لگائیں تاکہ رات کے وقت پیچھے سے آنے والی گاڑیوں کو گزرتے ہوئے کوئی پر یشا نی نہ ہو۔سہیل چوہدری نے شہریوں سے کہا کہ وہ اپنی اور دوسروں کی حفاظت کیلئے احتیاطی تدابیر استعمال کر تے ہوئے سفر کریں۔

وقت اشاعت : 31/01/2014 - 14:53:22

متعلقہ عنوان :

اپنی رائے کا اظہار کریں