ذمہ دار لوگوں کی عدم توجہی کے باعث ہماری نوجوان نسل اپنے کلچر سے دور ہوتی جارہی ..
تازہ ترین : 1

ذمہ دار لوگوں کی عدم توجہی کے باعث ہماری نوجوان نسل اپنے کلچر سے دور ہوتی جارہی ہے ‘ شبانہ بھٹی

لاہور( اُردو پوائنٹ تازہ ترین اخبار۔ 27جنوری 2014ء ) سینئر اداکار شبانہ بھٹی نے کہا ہے کہ ذمہ دار لوگوں کی عدم توجہی کے باعث ہماری نوجوان نسل اپنے کلچر سے دور ہوتی جارہی ہے جو لمحہ فکریہ ہے ‘بد قسمتی سے والدین جن کی یہ ذمہ داری بنتی ہے کہ بچوں کو اپنی ثقافت سے روشناس کرائیں ان میں سے بعض خود مخالف سمت میں چل رہے ہیں ۔ ایک انٹر ویو میں سینئر اداکار ہ کا کہنا تھاکہ مقابلے بازی کا رجحان ضرور ہونا چاہیے لیکن غیروں کو اتنی جگہ نہ دی جائے کہ وہ ہماری ثقافت پر ہی قبضہ کر لیں کیونکہ برائی جب ایک مرتبہ پھیل جاتی ہے تو اسے ختم کرنے کے لئے ایک طویل عرصہ درکار ہوتا ہے ۔

انہوں نے کہا کہ اگر بغور جائزہ لیا جائے تو ہماری ثقافت کا مقابلہ نہیں ،اس میں سب چیزوں کا حسین امتزاج ہے جبکہ ہمارے اوپر جو مسلط کرنے کی کوشش کی جارہی ہے وہ صرف گلیمرس ہے ۔

مزید متعلقہ خبریں پڑھئیے‎ :

وقت اشاعت : 27/01/2014 - 14:02:05

متعلقہ عنوان :

اپنی رائے کا اظہار کریں