لاہور، شہر کے پارکنگ اسٹینڈز غیرملکی کمپنیوں کو دینے کا فیصلہ
تازہ ترین : 1
لاہور، شہر کے پارکنگ اسٹینڈز غیرملکی کمپنیوں کو دینے کا فیصلہ

لاہور، شہر کے پارکنگ اسٹینڈز غیرملکی کمپنیوں کو دینے کا فیصلہ

لاہور (اُردو پوائنٹ تازہ ترین اخبار۔ 25جنوری 2014ء)لاہور میں صفائی کا ٹھیکہ غیر ملکی کمپنی کے ہاتھ میں دینے کے بعد اب شہر کے تمام پارکنگ اسٹینڈز بھی غیرملکی کمپنیوں کے حوالے کر نے کا فیصلہ کر لیا گیا۔لاہور کے پارکنگ اسٹینڈز جرمنی اور سعودی عرب کی دو مختلف کمپنیوں کے حوالے کئے جائیں گے۔

یہ الاٹ منٹ سات سال کے لئے ہو گی۔کارکردگی بہتر رہی تو معاہدے کی مدت بڑھ بھی سکتی ہے۔ذرائع کے مطابق یہ معاہدہ سٹی ڈسٹرکٹ گورنمنٹ لاہور اور جرمنی اورسعودیہ کی دونوں کمپنیوں کے مابین ہوگا۔معاہدے کے تحت دونوں پارکنگ کمپنیاں عالمی معیار کی سروس فراہم کریں گی۔ جو کنٹریکٹرز اس وقت لاہور کے پارکنگ اسٹینڈز چلا رہے ہیں ان سے یہ اسٹینڈز واپس لے لئے جائیں گے۔پہلے مرحلے میں دونوں غیرملکی کمپنیوں کو 70 پارکنگ اسٹینڈز دیئے جائیں گے، جس کے بعد آہستہ آہستہ شہر کے تمام پارکنگ اسٹینڈز غیرملکی کمپنیوں کے حوالے کر دیئے جائیں گے۔

مزید متعلقہ خبریں پڑھئیے‎ :

وقت اشاعت : 25/01/2014 - 12:14:28

متعلقہ عنوان :

اپنی رائے کا اظہار کریں