جی ایس پی پلس کا درجہ حاصل ہونے سے یورپ کے 27ملکوں تک پاکستان کو ر سائی حا صل ہو گئی ہے‘ گورنر پنجاب ،اگلے چار برسوں میں پاکستان کی برآمدات 13بلین ڈالر سے بڑھ کر 26بلین ڈالر تک پہنچ جائیں گی‘ چوہدری محمد سرور
جمعرات 9 جنوری 2014 21:44
راولپنڈی(اُردو پوائنٹ اخبار تازہ ترین۔9 جنوری ۔2014ء) گورنر پنجاب چوہدری محمد سرور نے کہا ہے کہ جی ایس پی پلس کا درجہ حاصل ہونے سے یورپ کے 27ملکوں تک پاکستان کو ر سائی حا صل ہو گئی ہے،اگلے چار برسوں میں پاکستان کی برآمدات 13بلین ڈالر سے بڑھ کر 26بلین ڈالر تک پہنچ جائیں گی،جس سے لاکھوں کی تعداد میں ملازمتوں کے نئے مواقع پیدا ہوں گے اور پاکستان میں صنعتی و اقتصادی ترقی کے ایک نئے دور کا آغاز ہو گا۔
انہوں نے یہ بات مارگلہ ویو ہاؤسنگ سکیم سیکٹر D-17اسلام آباد میں مارگلہ ویلفیئر سوسائٹی کے زیر اہتمام واٹر فلٹریشن پلانٹ کی افتتاحی تقریب سے خطاب کرتے ہوئے کہی۔تقریب میں سوسائٹی کے سی ای او شاہد اقبال رانا، گیلیشن کے عہدیدار نسیم عثمانی ، جاوید صدیقی اور سوسائٹی ممبران کی بڑی تعداد نے شرکت کی۔(جاری ہے)
گورنر پنجاب نے کہا کہ پاکستان کی تعمیر و ترقی اور عوامی خوشحالی کے لئے ذات ، برادری اور گروہی اختلافات سے بالا تر ہو کر قومی سوچ اپنانے اور مل جل کام کرنے کی ضرورت ہے ۔
انہوں نے پاکستان میں مخیر افراد ، اداروں اور اورسیز پاکستانیوں کی طرف سے عوامی فلاح و بہبود کے منصوبوں کو خوش آئند قرار دیتے ہوئے کہا کہ پینے کے صاف پانی کی فراہمی ان کی اولین ترجیح ہے اور جو ادارے اس سلسلے میں معاونت کر رہے ہیں ان کی خدمات قابل تحسین ہیں۔ چوہدری محمد سرور نے کہا کہ ہپاٹائٹس ، ہیضہ ، ٹائیفائیڈ سمیت 80 فیصد بیماریاں آلودہ پانی کے استعمال سے پھیلتی ہیں اور پانی میں آرسینک کی تعداد بھی باعث تشویش ہے۔ انہوں نے کہا کہ پینے کے پانی کے نمونے حاصل کر کے ان کے ٹیسٹ کرائے جا رہے ہیں اور ہر ممکن حد تک پینے کے صاف پانی کی دستیابی کو یقینی بنایا جا رہا ہے۔ انہوں نے کہا کہ اسلام امن ، رواداری ، ایثار اور قربانی کا درس دیتا ہے اور مفاد عامہ کے کاموں میں حصہ لے کر ہم اپنی دنیا اور آخرت سنوار سکتے ہیں انہوں نے کہا کہ حضور کے اسوہ حسنہ اور تعلیمات سے بھی ہمیں یہی درس ملتا ہے۔تقریب سے خطاب کرتے ہوئے شاہد اقبال رانا نے ہاؤسنگ سیکٹر میں نجی شعبے کے کردار کی تعریف کرتے ہوئے کہا کہ مارگلہ ویو ہاؤسنگ سکیم ہر طبقے کے افراد کے لئے ایک شاندار رہائشی منصوبہ ہے جس میں پاکستان کے ہر صوبے اور علاقے سے تعلق رکھنے والے لوگ آباد ہیں۔ انہوں نے کہا کہ ہالینڈ سے درآمد شدہ واٹر فلٹریشن پلانٹ علاقے میں پینے کے صاف پانی کی ضروریات پوری کرے گا۔ انہوں نے کہا کہ سکیم میں ایک رفاہی ہسپتال بھی تعمیر کیا جائے گا۔ نسیم احمد عثمانی نے اصلاحی اقدامات اور رفاہی منصوبوں کے لئے گورنر پنجاب کی خدمات پر انہیں خراج تحسین پیش کیا اور کہا کہ ان کی ذاتی دلچسپی سے پاکستان میں بیرونی سرمایہ میں اضافہ ہو رہا ہے۔ قبل ازیں گورنر پنجاب نے واٹر فلٹریشن پلانٹ کا افتتاح کیا اور پلانٹ عطیہ کرنے والے افراد کے جذبے کو سراہا۔لاہور میں شائع ہونے والی مزید خبریں
صوبہ پنجاب سے قومی اسمبلی کی دومخصوص نشستوں کا شیڈول جاری
حلقہ این اے 148 ملتان اور پی پی 269مظفر گڑھ میں ضمنی انتخابات کی سرگرمیاں جاری
طارق محمود کسٹم انٹیلی جنس کے کنوینر مقرر
پنجاب کے ہائی اور ہائر سیکنڈری سکولوں میں لائبریریز نہ ہونے کا انکشاف
جناح ہائوس جلائو گھیرائو مقدمے میں پی ٹی آئی رہنما طیبہ راجہ کے وارنٹ گرفتاری جاری
ن) لیگ کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
فارم 48،47اور49جاری ہونے کے بعد ووٹوں کی دوبارہ گنتی کا حکم نہیں دیا جا سکتا‘ہائیکورٹ کا تحریری فیصلہ ..
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
پاکستان اور بھارت ہمسائے ہیں ،بہت سے معاملات ہیں جن کی بنیاد پر آگے بڑھا جا سکتا ہے ‘ ملک احمد خان
لاہور پولیس پاکستان نیوزی لینڈ ٹی ٹونٹی کرکٹ میچوں کے جامع سیکورٹی پلان پرعمل پیرا ہے،سی سی پی او
ریل کاپ نے 66 مزدوروں کو جبری نوکری سے نکال دیا
ٹرین میں تاریں کاٹ کر تانبہ چوری کرنے والا شخص پکڑا گیا
لاہور سے متعلقہ
پاکستان کی تازہ ترین خبریں
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم