ملک بھر میں پرویز مشرف کا مقدمہ اور ان کی بیماری موضوعِ بحث بنی ہوئی ہے ، عوام کو کنفیوژن میں ڈال دیا گیاہے ‘ سید منور حسن ،اگر پرویز مشرف واقعی بیمار ہیں تو ان کا علاج ہوناچاہیے ، محض بیرون ملک علاج کا بہانہ بنا کر انہیں ملک سے فرار نہیں کراناچاہیے ،مشرف کے معاملے میں آئین و قانون کی پاسداری کی جائے ،کسی قسم کا اندرونی و بیرونی دباؤ قبول نہ کیا جائے‘ امیر جماعت اسلامی
بدھ 8 جنوری 2014 21:38
لاہور (اُردو پوائنٹ اخبار تازہ ترین۔8 جنوری ۔2014ء) امیرجماعت اسلامی سید منورحسن نے کہا ہے کہ ملک بھر میں پرویز مشرف کا مقدمہ اور ان کی بیماری موضوعِ بحث بنی ہوئی ہے ، عوام کو کنفیوژن میں ڈال دیا گیاہے ، پرویز مشرف کے معاملے میں آئین و قانون کی پاسداری کی جائے اور کسی قسم کا اندرونی و بیرونی دباؤ قبول نہ کیا جائے ، اگر ایسا کیا گیا تو عوام یہ سمجھنے میں حق بجانب ہوں گے کہ یہاں کمزور کے لیے ایک قانون اور طاقتور کے لیے دوسرا قانون ہے اور یہ صورتحال ملک و قوم دونوں کے لیے انتہائی نقصان دہ ہے ،جن معاشروں میں انصاف نہ ہو، وہ قائم نہیں رہ سکتے۔
ان خیالات کااظہار انہوں نے منصورہ میں کارکنوں سے گفتگو کرتے ہوئے کیا۔ سیدمنورحسن نے کہاکہ ڈاکٹروں کی رائے میں پرویز مشرف کو کوئی ایسی بیماری لاحق نہیں ہے جس کا یہاں علاج ممکن نہ ہو ۔(جاری ہے)
انہوں نے کہاکہ گوعدالت اس بارے میں فیصلہ کرے گی لیکن ان کے وکلا کا یہ اصرار کہ ان کا علاج بیرون ملک ہی ہوسکتاہے ، سے اندازہ لگایا جاسکتاہے کہ یہ سارا منصوبہ انہیں ملک سے فرار کرانے کے لیے بنایا گیاہے ۔
انہوں نے کہاکہ پہلے یہ ثابت کرنے کی کوشش کی گئی کہ ان کی جان کو خطرہ ہے اور اس کے لیے ان کی رہائش گاہ کے قریب بم اور اسلحہ برآمد ہوتے رہے اور اب عدالت جاتے ہوئے راستے میں اچانک بیماری کا واقعہ پیش آیا ، جس سے شبہات تو بہر حال پیدا ہوئے ہیں ۔ انہوں نے کہاکہ اگر واقعی وہ بیمار ہیں تو ان کا علاج ہوناچاہیے ، محض بیرون ملک علاج کا بہانہ بنا کر انہیں ملک سے فرار نہیں کراناچاہیے ۔سیدمنورحسن نے کہا کہ ملک میں آئین کی بالادستی اور قانون شکنی کے واقعات سے بچنے کیلئے ضروری ہے کہ امیر و غریب سب پر ایک ہی طرح کا قانون نافذ ہو،امیر کا قانون سے بچ نکلنا ملک میں آئین شکنی کے رویے کو جنم دیتا اور پروان چڑھاتا ہے ،اور عدلیہ پر عوام کے اعتماد کو مجروع کرتا ہے ۔انہوں نے کہا کہ آج مشرف کو بچانے کیلئے ہر طرف سے آوازیں آنا شروع ہوگئی ہیں لیکن جب مشرف ملک کو امریکہ کی چراگاہ بنانے اوردہشت گردی کے حوالے کرنے کی سازشیں کررہے تھے تو ان کا کوئی ہاتھ پکڑنے والا نہیں تھا ،ملک میں آئین کی بالادستی اور جمہوریت کے فروغ اور استحکام کیلئے طالع آزماؤں کے ساتھ اگر ان کے دست و بازو بننے والوں کو بھی قانون کے شکنجے میں لانا پڑتا ہے تو گریزنہیں کرنا چاہئے۔متعلقہ عنوان :
لاہور میں شائع ہونے والی مزید خبریں
۵عید پر اسپیشل ٹرینوں کے کرایوں میں ڈسکاؤنٹ پر غور کریں گی: چیف ایگزیکٹو افسر پاکستان ریلویز عامر علی ..
}لاہور الیکٹرک سپلائی کمپنی میں بجلی چوروں کے خلاف آپریشن جاری
۵عدالت ڈپٹی کمشنر اور ڈسٹرکٹ انفارمیشن آفیسر حافظ قیصر عباس کیخلاف کارروائی اور انکوائری کا حکم دے، ..
۱چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر ..
رچنا ٹائون میں ایمبرائیڈری یونٹ میں بجلی چوری پکڑی گئی ، 16ہزار یونٹس کاڈیٹکشن بل جاری
مونا با،تھر پارکر ٹرین کی بحالی ریلوے کا مینڈیٹ نہیں، یہ فیصلہ وفاقی حکومت نے کرنا ہے‘ عامر علی بلوچ ..
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
پنجاب حکومت کا ایسٹر کے تہوار پر مسیحی برادری کیلئے یکم اپریل کو چھٹی کا اعلان ،نوٹیفکیشن جاری
جون سے فیز وائز پلاسٹک بیگز کو بین کردیاجائیگا‘مریم اورنگزیب
آئی جی پنجاب ڈاکٹرعثمان انور نے پروموٹ ہونے والے آفیشئیٹنگ انسپکٹرز کو کنفرمیشن دے دی
قتل کے مقدمہ میں مطلوب بیرون ملک مفرور ایک اور خطرناک اشتہاری کویت سے گرفتار
پنجاب پولیس کی دھاتی ڈور اور پتنگ بازوں کیخلاف مہم جاری ،100سے زائد مقدمات درج، 110 ملزمان گرفتار
لاہور سے متعلقہ
پاکستان کی تازہ ترین خبریں
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
حکومت کا تعلیمی نصاب میں ماحولیاتی بہتری کے مضامین شامل کرنے کا فیصلہ
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سونے کی قیمتوں میں اضافے کا رجحان برقرار
-
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا