جمعیت علماء اسلام کے قائدین و کارکنوں کو موت سے ڈرا کر ان کونظریہ و جد وجہد سے باز نہیں رکھا جا سکتا، جمعیت علماء اسلام کے قائدین و کارکنوں کو موت سے ڈرا کر ان کونظریہ و جد وجہد سے باز نہیں رکھا جاسکتا ہے جمعیت کی بنیاد یں پاکستان سمیت دنیابھر کے کروڑوں مسلمانوں کے دلوں میں رچ بس گئی ہیں اس کو نکالنا کسی طاغوتی قوت کے بس کی بات نہیں

خضدار(اُردو پوائنٹ اخبارتازہ ترین - آئی این پی۔ 15 مئی2017ء) جمعیت علماء اسلام پاکستان کے سیکر ٹری جنرل ڈپٹی چیئر مین سینٹ مولانا عبد الغفو ر حیدری نے کہا ہے کہ جمعیت علماء اسلام کے قائدین و کارکنوں کو موت سے ڈرا کر ان کونظریہ و جد وجہد سے باز نہیں رکھا جاسکتا ہے جمعیت علماء اسلام کی بنیاد یں پاکستان سمیت دنیابھر کے کروڑوں مسلمانوں کے دلوں میں رچ بس گئی ہے کہ اس کو نکالنا کسی طاغوت کے بس میں نہیں جو لوگ جمعیت علماء اسلام کے کارکنوں کو خوف زدہ کرکے اپنی کاز سے دور رکھنا چاہتے ہیں ان کو برطانیہ و سویت یونین کے سامراجوں کی شکست و ریخت کی تاریخ کا مطالعہ کرنا چاہیے، جمعیت علماء اسلام کا ہر کارکن اپنی نظریہ پر جان فدا کرنے کو دنیاء و آخرت کی سعادت سمجھتی ہے، میرے قافلہ پر حملہ ایک بزدلانہ فعل تھا ایسے بزدلانہ کاروائیوں سے ہمیں مرعوب نہیں کیا جا سکتا ہے جمعیت علماء اسلام ملک میں اسلام کے عادلانہ نظام کے لئے سیاسی و پارلیمانی جد و جہد جاری رکھے گا ملک کو غیر مستحکم کرنے والے ملکی و بیرونی قوتوں کو یہ سمجھ لینا ضروری ہے کہ پاکستان کے بنیادوں میں بر صغیر کے ہزاروں مسلمانوں کا خون شامل ہے اس خون کو ہم رائیگان نہیں جانے دیں گے۔

(جاری ہے)

ملک کے جغرفیائی و نظریاتی سرحدوں کی حفاظت کے لئے جمعیت علماء اسلام کا ہر کارکن سد سکندری بن جائیگا ۔ وہ پیر کو ث جمعیت علماء اسلام پاکستان کے مرکزی مجلس عمومی کے رکن میر یونس عزیز زہری سے گفتگو کر رہے تھے۔ میر یونس عزیز زہری ، جمعیت علماء اسلام بلوچستان کے مجلس عمومی کے ممبر مولانا محمد صدیق مینگل ، جمعیت علماء اسلام کے راہنما محمد اکبر گنگو نے سی ایم ایچ کوئٹہ میں مولانا عبد الغفور حیدری کی عیادت کی اس موقع پر مولانا عبد الغفور حیدری نے کہا کہ گرچہ مستونگ کا واقعہ انتہائی دل خراش ہے جس واقعہ میں ہمارے درجنوں کارکنوں نے جام شہادت نوش کیا درجنوں زخمی ہوئے ہمیں ان کا رکنوں کے خاندانوں کے ساتھ ہمدردی ہے بلکہ جمعیت علماء اسلام کا ہر کارکن ان شہدا ء کو اپنے فیملی کا ممبر سمجھتا ہے کیونکہ جمعیت علماء اسلام کا کے نظریہ سے وابسطہ افراد جہاں کے ہوں وہ ایک بھائی کے مانند ہوتے ہیں لیکن میں بستر علالت سے ان قوتوں کو پیغام دینا چاہتا ہوں جن کا خیال ہے کہ وہ اس طرح کے کاروئیوں سے ہمیں خوف زدہ کرکے اپنے کاز سے دور رکھیں گے ان بزدلوں کے لئے میرا پیغام ہے کہ اس جیسے نیچھ حرکتوں سے ہمارے حوصلے کمزور نہیں پست نہیں ہونگیں بلکہ مزید بلند ہونگیں مولانا عبد الغفور حیدری نے جمعیت علماء اسلام ایک حقیقت ہے جمعیت علماء کا نظریہ اس سرمایہ ہے جمعیت علماء اسلام کی جدو جہد کا ایک سو سال قربانیوں و شہادتو ںسے بھری پڑی ہے اس تاریخ کو پڑہنے کی ضرورت ہے کہ جمعیت علماء اسلام کے بوریا نشین اپنے وقت سامراجوں سے ٹکرائیں ان کی غرور کوخاک میں ملادیا آج وہ سامراج دنیاء سے مٹ گئیں لیکن جمعیت علماء اسلام باقی ہے اللہ رب العالمین سے امید ہے کہ جمعیت علماء اسلام تا قیامت باقی رہیگا کیونکہ ہم اسلام کے اصولوں کی سیاست کرتے ہیں ہماری طرز جد و جہد میں انتہاء پسندی قتل و غارت گری شامل نہیں ہے جمعیت علماء اسلام پاکستان کے تمام دینی و سیاسی قوتوں کے اتحاد کا خواہا ں ہے ہم نے ہمیشہ قوم پر ستی و فرقہ پر ستی کے نام قتل وغا رت گری کی مذمت کی ہے اور آئندہ بھی اسی نظریہ پر کاربند رہیں گے ۔