نجی ٹی وی چینل کے دفتر پر حملے کے خلاف احتجاجی ریلی

محمد علی بدھ 24 اگست 2016 18:20

مصطفی آباد/للیانی(اْردو پوائنٹ اخبارتازہ ترین-انٹرنیشنل پریس ایجنسی 24 اگست۔2016ء ) پاکستان میڈیا کونسل کے زیر اہتمام نجی ٹی وی چینل کے دفتر پر حملے کے خلاف احتجاجی ریلی، میڈیا ہاؤسز پر حملے نا منظور، دہشت گردی نا منظور، آزادی صحافت زندہ باد، پی ایم سی زندہ بادکے نعرے، حکومت میڈیا ہاؤسز پر حملوں کے ملزمان کو فوری گرفتار کیاجائے، اور سیکورٹی مہیا کرے، مظاہرین کا مطالبہ، اس موقع پر آرگنائزر پاکستان میڈیا کونسل پنجاب و صدر پریس کلب مصطفی آباد للیانی(رجسٹرڈ) محمد عمران سلفی نے کراچی میں ایم کیو ایم کے مسلح دہشت گردوں کا نجی ٹی وی کے دفتر پر حملے کی شدید الفاظ میں مذمت کی اور حکومت سندھ فوری طور پر مسلح دہشت گردوں کو گرفتار کرے اور نجی ٹی وی کے عملے اور دفتر کی حفاظت کو یقینی بنائے ۔

(جاری ہے)

انہوں نے کہا کہ نجی ٹی وی چینل کے آفس پر حملہ ، فائرنگ اور توڑ پھوڑ وفاقی ، سندھ حکومت اور پولیس کی نا اہلی کا کھلا ثبوت ہے ایم کیو ایم بوکھلاہٹ کا شکار ہو کر اوچھے ہتکھنڈوں پر اتر آئی ہے ، ایم کیو ایم بد معاشی اور غنڈہ گردی سے میڈیا اور اے آر وائے چینل کی حق اور سچ کی آواز کو روک نہیں سکتے ، ایم کیو ایم کا مسلح دہشت گردوں کو سخت سے سخت سزا دی جائے اے آر وائی پر حملہ آزادی صحافت پر حملہ ہے حکومت کی ذمہ داری ہے کہ صحافیوں اور میڈیا ہاؤ سز کی سیکورٹی کو یقینی بنائے