سندھ اسمبلی نے لاوٴڈ اسپیکرز اور دیگر ساوٴنڈ سسٹمز کو ضابطے کا بل اتفاق رائے سے منظور کر لیا
جمعہ 10 اپریل 2015 20:39
کراچی (اُردو پوائنٹ اخبار تازہ ترین۔10 اپریل۔2015ء) سندھ اسمبلی نے جمعہ کو لاوٴڈ اسپیکرز اور دیگر ساوٴنڈ سسٹمز کو ضابطے میں لانے کے لیے ایک بل اتفاق رائے سے منظور کر لیا ، جو ” سندھ ساوٴنڈ سسٹم ( ریگولیشن ) ایکٹ 2015ء “ کہلائے گا اور فوری طور پر پورے صوبے میں نافذ العمل ہو گا ۔ اس قانون کے تحت ایسے ساوٴنڈ سسٹم کا استعمال غیر قانونی ہو گا ، جس سے غیر معمولی آواز پیدا ہو اور اس سے لوگ تکلیف یا پریشانی محسوس کریں یا ان کی صحت اور آرام متاثر ہو یا جس سے امن عامہ میں خلل پڑے ۔
ایسے ساوٴنڈ سسٹم کے استعمال میں معاونت یا اس کی اجازت دینا بھی قانوناً جرم ہو گا ۔ عوامی مقامات ، عبادات کے دوران عبادت گاہوں ، اسپتالوں ، تعلیمی اداروں ، گھروں اور دیگر سرکاری اور نجی مقامات پر ساوٴنڈ سسٹم کا استعمال ممنوع ہو گا ۔(جاری ہے)
اس کے لیے پہلے سے اجازت لینا ہو گی ۔ مساجد میں اذان ، جمعہ یا عید کے دن عربی خطبہ ، کسی فرد کی موت یا گمشدگی کے اعلان یا کسی چیز یا فرد کے مل جانے کے اعلان کے لیے ایک ایکسٹرنل ساوٴنڈ سسٹم کے استعمال کی اجازت ہو گی ۔
حکومت یا اس کے مجاز افسر کی اجازت سے کسی عوامی مقامات پر مناسب وقت کے دوران بھی ایکسٹرنل ساوٴنڈ سسٹم کے استعمال کی اجازت ہو گی ۔ مقامی تھانے کا انچارج پولیس افسر اس قانون پر عمل درآمد کا پابند ہو گا ۔ اس قانون کی خلاف ورزی کرنے والے کو 6 ماہ تک قید اور کم از کم 25 ہزار یا زیادہ سے زیادہ 50 ہزار روپے کے جرمانے کی سزا دی جا سکے گی اور ساوٴنڈ سسٹم بھی ضبط کر لیا جائے گا ۔ مذکورہ بل کی منظوری سے گورنر سندھ ڈاکٹر عشرت العباد خان نے اس حوالے سے جو آرڈی ننس جاری کیا تھا ، وہ منسوخ ہو گیا ہے ۔ وزیر پارلیمانی امور ڈاکٹر سکندر میندھرو نے اس قانون کے اغراض و مقاصد بتاتے ہوئے کہا کہ قومی ایکشن پلان پر عمل درآمد کے لیے یہ قانون سازی کی گئی ہے ۔ سندھ اسمبلی نے دو اور بلز کی منظوری بھی دے دی ۔ سندھ کوسٹل ڈویلپمنٹ اتھارٹی ( ترمیمی ) بل 2015 ء اتفاق رائے سے منظور کیا گیا ، جس کے تحت ٹھٹھہ اور بدین کے علاوہ ضلع سجاول کے ساحلی علاقے بھی اتھارٹی کے دائرہ اختیار میں شامل ہوں گے ۔ ایک دوسرا بل ” سندھ فنانس ( ترمیمی ) بل 2015 ء بھی منظور کیا گیا ، جس کے تحت کوئلہ پر عائد سیس کی شرح تبدیل کر دی گئی ہے ۔ کوئلہ کے فی ٹرک پر 50 روپے کی بجائے ہر میٹرک ٹن پر 10 روپے سیس وصول کیا جائے گا ۔کراچی میں شائع ہونے والی مزید خبریں
موجودہ حکومت کاروبار اور سرمایہ کاری کے لیے سازگار ماحول پیدا کرنے کے لیے پرعزم ہے، گورنر سندھ کامران ..
سکھ یاتریوں کو پرانے دور کی عکاسی کرنے والے ٹرین میں روانہ کیا گیا
کچے کے ڈاکوؤں کو اسلحہ فراہم کرنیوالے 3 پولیس افسران سمیت 7 گرفتار
سندھ ہائی کورٹ ، بزرگ باپ کی بیٹوں سے تحفظ کی درخواست ناقابل سماعت قرار
علامہ اقبال ایکسپریس کے انجن میں آگ لگ گئی
کچے میں ظلم ہورہا ہے، سندھ پولیس ہمارے پیچھے پڑی ہے، حلیم عادل شیخ
صدر آصف علی زرداری نے پاکستان کھپے کا نعرہ لگا کر وفاق کو مزید مستحکم کیا، شرجیل میمن
کراچی،پاک کالونی میں پولیس مقابلہ، 3 ڈاکو گرفتار
کراچی: دو بچے تالاب میں ڈوب کر جاں بحق
کراچی: آج سورج کے گرد ہالا بن گیا
پتوکی،کراچی ایکسپریس ٹرین کی زد میں آ کر 10سالہ بچہ جاں بحق شناخت نہ ہو سکی نعش ٹی ایچ کیو ہسپتال منتقل
ایسٹ پولیس کی کارروائیاں،6مبینہ ملزمان گرفتار 2کلو چرس، 30بوتل شراب اور اسلحہ برآمد
کراچی سے متعلقہ
پاکستان کی تازہ ترین خبریں
-
پاکستانی باولرز کی تباہ کن باولنگ، کیوی بلے باز 100 رنز بھی نہ بنا سکے
-
آئی ایم ایف نے پاکستان کیلئے نئے پیکیج کی درخواست منظور کر لی
-
بشری بی بی کی تمام میڈیکل رپورٹس کلیئر قرار دے دی گئی ہیں، عظمیٰ بخاری
-
ہتھیارکنٹرول کے دعویدارخود کئی ممالک کو ملٹری ٹیکنالوجی فراہمی میں استثنیٰ دے چکے ہیں، پاکستان
-
ٹیچنگ ہسپتالوں میں کرپشن پر زیرو ٹولرنس ہوگا: خواجہ سعد رفیق
-
وزیراعلیٰ پنجاب مریم نوازشریف کی ہدایت پروزیرخوراک پنجاب بلال یاسین کا فیصل آباد میں کریک ڈاؤن
-
دھاندلی کیخلاف بلوچستان کی سرزمین سے اٹھی تحریک ملک بھرمیں جائے گی
-
سرکاری سکولوں میں مرحلہ وار سولر انرجی سسٹم
-
نجی میڈیکل کالجزسے کامیاب میڈیکل سٹوڈنٹس کی
-
کچے میں ظلم ہورہا ہے، سندھ پولیس ہمارے پیچھے پڑی ہے، حلیم عادل شیخ
-
صدر آصف علی زرداری نے پاکستان کھپے کا نعرہ لگا کر وفاق کو مزید مستحکم کیا، شرجیل میمن
-
کراچی: دو بچے تالاب میں ڈوب کر جاں بحق