جناح گراونڈ میں ہونے والی بدمزگی پولیس کی بدانتظامی کے سبب ہوئی ہے،کنور نوید ..
تازہ ترین : 1

جناح گراونڈ میں ہونے والی بدمزگی پولیس کی بدانتظامی کے سبب ہوئی ہے،کنور نوید جمیل

کراچی(اُردو پوائنٹ اخبار تازہ ترین۔09 اپریل۔2015ء) این اے 246 سے ایم کیو ایم کے نامزد امیدوارکنورنوید جمیل نے کہا ہے کہ جناح گراونڈ میں ہونے والی بدمزگی پولیس کی بدانتظامی کے سبب ہوئی ہے۔جمعرات کو میڈیا سے گفتگو کرتے ہوئے کنور نوید جمیل نے کہا کہکہ بد مذگی کااصل سبب پولیس کی بدانتظامی ہے۔انہوں نے کہا کہ گزشتہ رات ایم کیوایم سے جو مشاورت کی گئی تھی اس کے تحت حسن اسکوائر سے براستہ یوبی ایل اسپورٹ کمپلیکس سے عائشہ منزل آنا تھا جہاں سے عمران خان اور دیگر رہنماوں کی چند گاڑیوں نے اندر آنا تھا۔

انہوں نے کہا کہ پولیس نے بغیر کسی پیشگی اطلاع کے ریلی کے تمام شرکا کو اند رآنے دیا جہاں پہلے ہی ایم کیو ایم کے کارکنان عمران خان کے استقبال کے لئے موجود تھے۔انہوں نے کہا کہ ایم کیو ایم اور تحریک انصاف کے کارکنان کے یکجا ہونے کے سبب ایک جمِ غفیر جمع ہوگیا تھا اور یہ گنجان آباد علاقہ ہے لہذا یہ طے کرنا اب ناممکن ہے کہ کیا چیز واقعے کی وجہ بنی۔انہوں نے کہا کہ ایم کیوایم کے صرف محلے کے کارکن موجود تھے علاقے سے باہر کا کوئی شخص یہاں موجود نہیں تھا۔انہوں نے یہ بھی کہا کہ ایسے حالات میں اس قسم کے معاملات ہوجایا کرتے ہیں تحریک انصاف کے کارکنان آپس میں بھی کئی بار دست وگریباں ہوچکے ہیں لہذا اس واقعے کو اہمیت نہ دی جائے جمہوری عمل جاری رہے گا۔

مزید متعلقہ خبریں پڑھئیے‎ :

وقت اشاعت : 09/04/2015 - 17:19:09

متعلقہ عنوان :

اپنی رائے کا اظہار کریں