کراچی میں امن کی فضاء میں الیکشن لڑنا چاہتے ہیں ، ہماری کسی سے لڑائی نہیں ،عمران ..
تازہ ترین : 1

کراچی میں امن کی فضاء میں الیکشن لڑنا چاہتے ہیں ، ہماری کسی سے لڑائی نہیں ،عمران خان

کراچی (اُردو پوائنٹ اخبار تازہ ترین۔09 اپریل۔2015ء ) پاکستان تحریک انصاف کے سربراہ عمران خان نے کہا ہے کہ کراچی میں امن کی فضا میں الیکشن لڑنا چاہتے ہیں ۔ ہماری کسی سے لڑائی نہیں ۔ الطاف حسین کی جانب سے کراچی میں امن کی فضا کو قائم کرنے کے لیے بیان دینے کا خیر مقدم کرتا ہوں ۔ کراچی میں جمعرات کو میڈیا سے بات چیت کرتے ہوئے انہوں نے کہاکہ جمہوریت میں ووٹ دینے کی آزادی ہر ایک کو ہوتی ہے ۔

میرے دورے کا مقصد کراچی میں امن قائم کرنا ہے ۔ کراچی میں امن ہو گا تو ملک میں امن ہو گا ۔ میں نے اپنی اہلیہ ریحام خان کو کراچی کے دورے کے لیے نہیں بلایا ۔ وہ خود کراچی آئی ہیں ۔ انہوں نے کہا کہ 23 اپریل کو کراچی میں تبدیلی کا دن ہے اور این اے 246 کے ووٹرز گھروں سے نکل کر پی ٹی آئی کو ووٹ دیں گے ۔ انہوں نے کہا کہ اگر عوام کو تبدیلی چاہئے تو انہیں بلا خوف اپنا حق رائے دہی استعمال کرنا ہوگا ۔

وقت اشاعت : 09/04/2015 - 16:37:11

متعلقہ عنوان :

اپنی رائے کا اظہار کریں