سندھ اسمبلی ، بینظیر بھٹو شہید یونیورسٹی لیاری کراچی میں چار ٹاوٴنز کیلئے مختص ..
تازہ ترین : 1

سندھ اسمبلی ، بینظیر بھٹو شہید یونیورسٹی لیاری کراچی میں چار ٹاوٴنز کیلئے مختص 50 فیصد نشستیں ختم کرنے کیلئے بل متعارف کرادیا گیا

کراچی ( اُردو پوائنٹ اخبار تازہ ترین۔07 اپریل۔2015ء ) بے نظیر بھٹو شہید یونیورسٹی لیاری کراچی میں چار ٹاوٴنز کے لیے مختص 50 فیصد نشستیں ختم کرنے کے لیے ایک پرائیویٹ بل منگل کو سندھ اسمبلی میں متعارف کرا دیا گیا ۔ بے نظیر بھٹو شہید یونیورسٹی لیاری کراچی ( ترمیمی ) بل متحدہ قومی موومنٹ( ایم کیو ایم ) کے رکن سید خالد احمد نے متعارف کرایا ۔ پاکستان پیپلزپارٹی نے اس بل کی مخالفت نہیں کی ۔ اس بل میں یہ تجویز دی گئی ہے کہ بے نظیر بھٹو شہید یونیورسٹی لیاری کراچی ایکٹ کی شق 6 ( II ) کو منسوخ کیا جائے ۔ اس شق کے تحت کراچی کے چار ٹاوٴنز لیاری ، کیماڑی ، ملیر اور گڈاپ کے لیے یونیورسٹی کی 50 فیصد نشستیں مختص کی گئی ہیں ۔

وقت اشاعت : 07/04/2015 - 19:20:37

اپنی رائے کا اظہار کریں