ٹی سی ایس کنکٹ اور انٹرووڈکے درمیان معاہدے پر دستخط
تازہ ترین : 1

ٹی سی ایس کنکٹ اور انٹرووڈکے درمیان معاہدے پر دستخط

کراچی(اُردو پوائنٹ اخبار تازہ ترین۔06 اپریل۔2015ء) ٹی سی ایس ای ۔کام (پرائیویٹ) لمیٹڈ نے انٹر ووڈ موبل (پرائیوٹ) لمیٹڈ کے ساتھ ایک معاہدے پر دستخط کئے ہیں۔ اس معاہدے کی رو سے ٹی سی ایس کنکٹ اپنے آن لائن شاپنگ پورٹل پر انٹر ووڈ کی مصنوعاتپیش کرے گا۔دستخطوں کی تقریب کراچی میں واقع انٹر ووڈ کے ہیڈ آفس میں منعقد ہوئی۔معاہدے پر ٹی سی ایس ای ۔

کام (پرائیویٹ) لمیٹڈ کے چیف ایگزیکٹو آفیسر، سلمان حسن اور انٹر ووڈ موبل (پرائیویٹ) لمیٹڈ کے ڈائرکٹر، علی فاروق نے دستخط کئے۔انٹر ووڈ موبل 40 سال کا تجربہ رکھتی ہے، اور اعلیٰ معیار اور جدت طراز فرنیچر کی مصنوعات اور گھریلو استعمال کی دیگر اشیاء سستی قیمتوں پر فراہم کرتی ہے۔ٹی سی ایس کنکٹ ، ٹی سی ایس ای۔کام کا ایک حصہ ہے جو دلچسپ آن لائن خریداری کے مواقع پیش کرتا ہے، ٹی سی ایس کے ذریعے مصنوعات کی تیز ترین اور قابل اعتماد فراہمی ممکن ہوتی ہے۔

ٹی سی ایس کنکٹ صف اول کے مقامی اور عالمی برانڈز پیش کرتا ہے جن میں الیکٹرانکس، آرائش حسن کی اشیاء، ملبوسات، گھریلوسجاوٹ کی اشیاء، کتابیں، خوردنی اشیاء اور دیگر چیزیں شامل ہیں۔ٹی سی ایس کنکٹ کا مقصد آن لائن شاپنگ کے تجربے کو خوشگوار اور تیز تر بنانے کے ساتھ ساتھ آسان اور با سہولت بنانا ہے۔100,000 روپے تک کی خریداری پر ادائیگی کے کئی طریقوں کے ساتھ صارفین www.tcsconnect.com کے ذریعے اشیاء کوپاکستان بھر میں کسی بھی مقام پرپہنچا سکتے ہیں۔

وقت اشاعت : 06/04/2015 - 22:27:30

اپنی رائے کا اظہار کریں